మరికొన్ని రోజుల్లో ఐపీఎల్ 2026 ప్రారంభం కానుండగా జట్లు ఇప్పటికే మ్యాచ్లకు సిద్ధమవుతున్నాయి. ఈసారి సన్రైజర్స్ హైదరాబాద్ (Sunrisers Hyderabad – SRH) జట్టు తప్పకుండా కప్పు గెలవాలని అభిమానులు ఆశలు పెట్టుకున్నారు. అయితే ఇదే సమయంలో జట్టు యాజమాన్యం తీసుకున్న ఒక నిర్ణయం పెద్ద వివాదానికి దారితీసింది.
పాక్ ఆటగాడి కొనుగోలు.. సోషల్ మీడియాలో ఆగ్రహం
ఇంగ్లాండ్లో నిర్వహించనున్న ది హండ్రెడ్ (The Hundred 2026) లీగ్ ప్లేయర్ల వేలంలో సన్రైజర్స్ హైదరాబాద్ అనుబంధ జట్టు సన్రైజర్స్ లీడ్స్ (Sunrisers Leeds) పాకిస్థాన్ మిస్టరీ స్పిన్నర్ అబ్రార్ అహ్మద్ను (Abrar Ahmed) కొనుగోలు చేసింది. ఈ ఆటగాడిని దాదాపు రెండు కోట్లు ముప్పై నాలుగు లక్షల రూపాయలకు దక్కించుకోవడం విశేషం. భారత యాజమాన్యం కలిగిన ఈ జట్టు పాకిస్థాన్ (Pakistan) ఆటగాడిని కొనుగోలు చేయడం ఇదే తొలిసారి కావడం చర్చకు దారి తీసింది.
ఈ వార్త బయటకు రావడంతో సోషల్ మీడియాలో అభిమానులు తీవ్రంగా స్పందించారు. సన్రైజర్స్ హైదరాబాద్ జట్టును బహిష్కరించాలని కొందరు అభిమానులు పిలుపునిచ్చారు. జట్టు సహ యజమాని కావ్యా మారన్పై (Kavya Maran) కూడా తీవ్ర విమర్శలు వెల్లువెత్తాయి. బాయ్కాట్ సన్రైజర్స్ హైదరాబాద్ అనే హ్యాష్ట్యాగ్ (#BoycottSRH) కూడా సోషల్ మీడియాలో వేగంగా వైరల్ అయింది.
ఇదిలా ఉండగా మరో ఆసక్తికర పరిణామం చోటు చేసుకుంది. వివాదం కొనసాగుతున్న సమయంలో సన్రైజర్స్ లీడ్స్ సోషల్ మీడియా ఖాతా సస్పెండ్ (Suspended) కావడం చర్చనీయాంశమైంది. ఆ ఖాతాను తెరిచినప్పుడు నిబంధనలు ఉల్లంఘించినందుకు ఖాతా సస్పెండ్ చేయబడింది అనే సందేశం కనిపిస్తోంది.
ఈ సస్పెన్షన్కు, పాక్ ఆటగాడి కొనుగోలుకు సంబంధం ఉందా అన్న అంశంపై స్పష్టత రాలేదు. జట్టు యాజమాన్యం నుంచి కూడా ఇప్పటివరకు ఎలాంటి అధికారిక స్పందన లేదు. దీంతో ఈ వ్యవహారం క్రీడా ప్రపంచంలో మరింత హాట్ టాపిక్గా మారింది.
