ఆంధ్రప్రదేశ్ (Andhra Pradesh) రాజకీయాల్లో మాటల యుద్ధం మళ్లీ హాట్ టాపిక్గా మారింది. వైఎస్సార్ కాంగ్రెస్ పార్టీ సీనియర్ నేత అంబటి రాంబాబు (Ambati Rambabu), కేంద్ర సహాయ మంత్రి డాక్టర్ పెమ్మసాని చంద్రశేఖర్పై (Dr. Pemmasani Chandrasekhar) తీవ్ర స్థాయిలో స్పందిస్తూ చేసిన వ్యాఖ్యలు పెద్ద సంచలనానికి దారితీశాయి.
ట్వీట్తో రాజకీయం వేడెక్కింది
మాజీ ముఖ్యమంత్రి వైఎస్ జగన్మోహన్ రెడ్డి (Y. S. Jagan Mohan Reddy) చేసిన వ్యాఖ్యలతో ఈ వివాదానికి నాంది పడింది. మిట్టల్ ప్లాంట్ (Mittal Plant) కార్యక్రమంలో చంద్రబాబు నాయుడు (Nara Chandrababu Naidu) అనవసరంగా ప్రాచారం చేసుకుంటున్నారని జగన్ విమర్శించారు. దీనికి కౌంటర్గా స్పందించిన పెమ్మసాని చంద్రశేఖర్ “ఒక్క మాటతో చంపేయగలం” (We Can Kill With One Word) అంటూ ఘాటుగా మాట్లాడారు.
ఈ వ్యాఖ్యలపై అంబటి రాంబాబు తీవ్రంగా స్పందిస్తూ పెమ్మసానిని నేరుగా లక్ష్యంగా చేసుకున్నారు. “మాటతోనే చంపే రౌడీవా (Rowdy) పెమ్మసాని.. వచ్చే ఎన్నికల్లో బ్యాలెట్తో (Ballot) తంతే అమెరికాలో (America) పడతావ్ జాగ్రత్త” అంటూ ఘాటు ట్వీట్ చేశారు.
ఈ ఇద్దరు నేతల మధ్య గతంలో కూడా పలుమార్లు వాగ్వాదాలు జరిగిన విషయం తెలిసిందే. గతంలో పెమ్మసాని కూడా “అసలైన సినిమా చూపిస్తాం”, “భయపడేలా ట్రీట్మెంట్ ఇస్తాం” అంటూ హెచ్చరికలు జారీ చేయడం వివాదాన్ని మరింత ముదిరేలా చేసింది.
తాజా వ్యాఖ్యలతో సోషల్ మీడియాలో రాజకీయ యుద్ధం మళ్లీ మొదలైంది. రెండు పార్టీలకు చెందిన కార్యకర్తలు కౌంటర్ ట్వీట్లు, మీమ్స్తో ఒకరిపై ఒకరు దాడులు చేస్తున్నారు. పెమ్మసాని అమెరికాలో స్థిరపడిన నేపథ్యాన్ని ప్రస్తావిస్తూ అంబటి చేసిన వ్యాఖ్యలు ఇప్పుడు రాజకీయ వర్గాల్లో చర్చకు దారి తీస్తున్నాయి.
