ఆంధ్రప్రదేశ్ (Andhra Pradesh) రాజకీయాల్లో (Politics) మాదకద్రవ్యాల అంశం మరోసారి చర్చనీయాంశంగా మారింది. ఎన్నికల సమయంలో రాష్ట్రంలో 100 రోజుల్లో గంజాయి, ఇతర మాదకద్రవ్యాలను పూర్తిగా నిర్మూలిస్తామని ఘనంగా హామీలు ఇచ్చిన నాయకులు—నారా లోకేష్ (Nara Lokesh), చంద్రబాబు (Nara Chandrababu Naidu), పవన్ కళ్యాణ్ (Pawan Kalyan)—ఇప్పుడు ఆ హామీల అమలుపై తీవ్ర ప్రశ్నలు ఎదుర్కొంటున్నారు. అధికారంలోకి వచ్చిన తరువాత పరిస్థితులు మారుస్తాం అని ఘనంగా చెప్పినా, వాస్తవ పరిస్థితులు భిన్నంగా కనిపిస్తున్నాయని సామాజిక వేత్తలు అభిప్రాయపడుతున్నారు.
ప్రస్తుతం అధికార పార్టీలకు చెందిన కొంతమంది నాయకుల కుమారులు, ఎంపీ అనుచరులు, ప్రజాప్రథినిధులు (Public Representatives) మాదకద్రవ్యాల వినియోగంలో పట్టుబడుతున్న ఘటనలు వరుసగా వెలుగులోకి రావడం ప్రజల్లో ఆందోళన కలిగిస్తోంది. ముఖ్యంగా యువతపై ప్రభావం చూపే ఈ సమస్యను అరికట్టడంలో పాలకులు కఠిన చర్యలు తీసుకోవడంలో విఫలమయ్యారని విమర్శలు వినిపిస్తున్నాయి.
ఇలా ప్రజాప్రతినిధుల కుటుంబ సభ్యులు మరియు అనుచరులు డ్రగ్స్ (Drugs) వినియోగంలో పట్టుబడిన ఘటనలు వెలుగులోకి వస్తున్నా, ప్రభుత్వం నుంచి గట్టి చర్యలు లేదా స్పష్టమైన స్పందన లేకపోవడం ప్రజల్లో అసంతృప్తిని పెంచుతోంది. ఇటువంటి పరిస్థితుల్లో ఎన్నికల సమయంలో ఇచ్చిన హామీలు కేవలం రాజకీయ ప్రయోజనాల కోసమేనా అనే సందేహాలు వ్యక్తమవుతున్నాయి.
మరోవైపు, “డ్రగ్స్ వద్దు” (“Say No to Drugs”) అనే ప్రచార కార్యక్రమాలు నిర్వహించబడుతున్నప్పటికీ, అవి కేవలం ప్రచారానికి, జోబులు నింపుకోవడానికి పరిమితమైపోయాయనే విమర్శలు ఉన్నాయి. ప్రజా ధనంతో నిర్వహిస్తున్న ఈ కార్యక్రమాలు నిజంగా సమస్యను తగ్గిస్తున్నాయా లేదా అనేది ప్రశ్నార్థకంగా మారింది.
ఈ నేపథ్యంలో, మాదకద్రవ్యాల నియంత్రణపై ప్రభుత్వం స్పష్టమైన విధానాలు అమలు చేసి, తమ పార్టీకి చెందిన వారిపైనా సమానంగా కఠిన చర్యలు తీసుకోవాలని ప్రజలు కోరుతున్నారు. లేని పక్షంలో, ఈ సమస్య మరింత తీవ్రమై రాష్ట్ర భవిష్యత్తుపై ప్రతికూల ప్రభావం చూపే ప్రమాదం ఉందని నిపుణులు హెచ్చరిస్తున్నారు.
