ఆంధ్రప్రదేశ్ రాష్ట్ర ప్రభుత్వ విధానాల కారణంగా రాష్ట్రం ఆర్థికంగా ఇబ్బందులు ఎదుర్కొంటోందని అనేక మంది ఆర్థిక నిపుణులు ఇప్పటికే హెచ్చరిస్తున్నారు. అయినప్పటికీ ప్రభుత్వం ఆర్థిక క్రమశిక్షణను పాటిస్తున్నట్లు స్పష్టమైన ఆధారాలు కనిపించడంలేదని రాజకీయ విశ్లేషకులు అభిప్రాయపడుతున్నారు.
ఒకవైపు ఉప ముఖ్యమంత్రి పవన్ కళ్యాణ్ (Pawan Kalyan) గారు పంచాయతీలకు బ్లీచింగ్ పౌడర్ కొనుగోలుకు కూడా నిధులు లేవని చేసిన వ్యాఖ్యలు రాష్ట్ర ఆర్థిక పరిస్థితిపై ఆందోళనను పెంచాయి. అలాగే అసెంబ్లీలో ముఖ్యమంత్రి చంద్రబాబు (Nara Chandrababu Naidu) గారు “సూపర్ సిక్స్” (Super Six) హామీల (Promises) అమలుపై మాట్లాడుతుండగా, ప్రస్తుత పరిస్థితులు చూస్తే భయం వేస్తోందని, ప్రజలు కూడా పరిస్థితిని అర్థం చేసుకోవాలని సూచించడం ఇప్పటికే చర్చనీయంశం అయింది.
ఈ నేపథ్యంలో ప్రభుత్వం తీసుకుంటున్న అప్పులు, వాటి వినియోగం, మరియు ఆర్థిక క్రమశిక్షణ అమలు స్థాయి గురించి ప్రజల్లో విస్తృత చర్చ జరుగుతోంది. ఇదే సమయంలో సీనియర్ న్యాయవాది సిద్దార్ద్ లూద్థ్రా (Siddharth Luthra) గారికి ప్రభుత్వం మరోసారి రూ.33 లక్షలు ఫీజుగా చెల్లించిన విషయం వెలుగులోకి రావడంతో ప్రభుత్వ ఖర్చుల ప్రామాణికతపై ప్రశ్నలు తలెత్తుతున్నాయి.
ఇప్పటికే ప్రతిపక్షం ఆరోపణల నేపథ్యంలో, లూథ్రా గారికి కోర్టు హాజరు లేదా ఆన్లైన్ వాదనలు నిర్వహణకుగాను కోట్లాది రూపాయలు ప్రజాధనంగా చెల్లిస్తున్నారనే విమర్శలు వినిపిస్తున్నాయి. తాజా చెల్లింపుతో కలిపి మొత్తం సుమారు రూ.15 కోట్ల 23 లక్షల 50 వేల రూపాయలు ఫీజులుగా (Fees) చెల్లించారని సమాచారం వెలువడింది. రాజకీయ కక్షసాధింపు కేసుల నేపథ్యంలో ఈ విధమైన భారీ ఖర్చులు ప్రజల్లో విస్మయాన్ని కలిగిస్తున్నాయి.
విమర్శలు కొనసాగుతున్నప్పటికీ ప్రభుత్వం తన న్యాయవాదికి ఫీజుల చెల్లింపుల విషయంలో వెనుకడుగు వేయకపోవడం గమనార్హం. ప్రస్తుత ఆర్థిక పరిస్థితుల్లో ఈ ఖర్చులు సమంజసమేనా, లేక ప్రజాధన దుర్వినియోగమా అన్న ప్రశ్నలు ప్రజల్లో మరింత బలంగా వినిపిస్తున్నాయి.
