మధ్యప్రాచ్యాన్ని వణికిస్తున్న యుద్ధ (War) పరిస్థితుల్లో ఇరాన్కు (Iran) మరో భారీ దెబ్బ తగిలిందనే వార్తలు సంచలనం సృష్టిస్తున్నాయి. ఇరాన్ సుప్రీం లీడర్ (Supreme Leader) అయతుల్లా అలీ ఖమేనీ (Ayatollah Ali Khamenei) మరణం తర్వాత తాత్కాలికంగా బాధ్యతలు స్వీకరించిన అలీ రెజా అరాఫీ (Ali Reza Arafi) కూడా దాడిలో హతమయ్యారన్న సమాచారం వెలువడుతోంది.
ఇజ్రాయెల్ (Israel),, అమెరికా–ఇరాన్ (United States-Iran) మధ్య ఉద్రిక్తతలు మరింత తీవ్రరూపం దాల్చిన వేళ ఈ పరిణామం అంతర్జాతీయ వేదికపై పెద్ద చర్చకు దారితీసింది. అరాఫీని లక్ష్యంగా చేసుకుని ఇజ్రాయెల్ దాడులు జరిపిందని సోషల్ మీడియాలో ప్రచారం జరుగుతోంది. అయితే ఈ వార్తలపై ఇరాన్ అధికారికంగా ఇంకా స్పందించలేదు.
గంటల వ్యవధిలోనే పరిస్థితి మార్పు?
ఖమేనీ మరణాన్ని ధృవీకరించిన వెంటనే ఇరాన్ అధికారిక మీడియా తాత్కాలిక సుప్రీం లీడర్గా అరాఫీ (Arafi) బాధ్యతలు చేపట్టినట్లు ప్రకటించింది. కానీ బాధ్యతలు స్వీకరించిన కొన్ని గంటల్లోనే ఆయనపై దాడి జరిగిందన్న వార్తలు యుద్ధరంగంలో మరింత ఉద్రిక్తత రేపుతున్నాయి.
ఈ పరిణామాలు టెహ్రాన్ సహా దేశవ్యాప్తంగా ఆందోళన కలిగిస్తున్నాయి. ఒక నాయకత్వం మార్పు వెంటనే మరో దాడి జరగడం వెనుక వ్యూహం ఏమిటి? ఇజ్రాయెల్-అమెరికా కూటమి దాడులు ఇరాన్ను పూర్తిగా బలహీనపరచడానికేనా? అనే ప్రశ్నలు తలెత్తుతున్నాయి.
ప్రపంచ దేశాలు ఈ సంఘటనలను ఆందోళనతో గమనిస్తున్నాయి. యుద్ధం మరింత విస్తరించే ప్రమాదం ఉందా? లేక ఇది తాత్కాలిక ఉద్రిక్తత మాత్రమేనా? అన్న అనుమానాలు అంతర్జాతీయ రాజకీయ వర్గాల్లో చర్చనీయాంశంగా మారాయి. ఇరాన్ నుంచి అధికారిక ప్రకటన వెలువడితేనే వాస్తవ పరిస్థితి స్పష్టమయ్యే అవకాశం ఉంది.
