మధ్యప్రాచ్య ప్రాంతంలో (Middle East) ఉద్రిక్త పరిస్థితులు కొనసాగుతున్న వేళ, యుద్ధానికి ముగింపు పెట్టేందుకు ఇరాన్(Iran) మూడు కీలక షరతులు ముందుంచింది. అమెరికా (United States) మరియు ఇజ్రాయెల్ ఈ షరతులను అంగీకరిస్తేనే యుద్ధం ముగిసే అవకాశముందని ఇరాన్ స్పష్టం చేసింది.
ఇరాన్ ప్రకారం మొదటి షరతుగా తమ దేశ సార్వభౌమ హక్కులను (Sovereign Rights) అంతర్జాతీయంగా గుర్తించాలని కోరింది. రెండవది, గతంలో జరిగిన దాడుల వల్ల ఏర్పడిన నష్టాలకు పూర్తి పరిహారం (Compensation) చెల్లించాల్సిందిగా పేర్కొంది. మూడవది, భవిష్యత్లో ఇరాన్పై ఎలాంటి సైనిక దాడులు (Military Attacks) జరగవని స్పష్టమైన హామీ (Guarantee) ఇవ్వాలని డిమాండ్ చేసింది. ఈ మూడు షరతులు నెరవేరితేనే యుద్ధానికి ముగింపు పలకగలమని ఇరాన్ తెలిపింది.
మధ్యవర్తిత్వానికి ముందుకు వస్తున్న దేశాలు
ఇక ఈ ఉద్రిక్త పరిస్థితుల నేపథ్యంలో కొన్ని దేశాలు ఇరాన్, అమెరికా, ఇజ్రాయెల్ మధ్య మధ్యవర్తిత్వానికి ప్రయత్నిస్తున్నట్లు సమాచారం. ప్రాంతీయ పరిస్థితులు తీవ్రంగా మారుతున్నందున ఈ పరిణామాలు అంతర్జాతీయ స్థాయిలో పెద్ద చర్చకు దారి తీస్తున్నాయి.
ఇరాన్ పేర్కొన్న షరతులను అంగీకరిస్తేనే యుద్ధం ముగింపు దిశగా చర్యలు తీసుకునే అవకాశం ఉందని నిపుణులు అభిప్రాయపడుతున్నారు. ప్రస్తుతం యుద్ధం ఎలా ముగుస్తుందో అని ప్రపంచ దేశాలు ఆసక్తిగా ఎదురుచూస్తున్నాయి.
