తెలంగాణ (Telangana) అసెంబ్లీ బడ్జెట్ సమావేశాలు (Assembly Budget Sessions) తీవ్ర ఉద్రిక్తతల మధ్య కొనసాగుతున్నాయి. మహిళా సంఘాల రుణాల (Women Groups Loans) అంశంపై అధికార, ప్రతిపక్షాల మధ్య ఘర్షణ తారాస్థాయికి చేరింది. ఈ నేపథ్యంలో బీఆర్ఎస్ నాయకుడు కేటీఆర్(KTR) అసెంబ్లీలో సంచలన సవాల్ విసిరి చర్చకు దారి తీశారు.
రుణాల లెక్కలపై వాగ్వాదం
సభలో డిప్యూటీ సీఎం భట్టి విక్రమార్క (Bhatti Vikramarka) మాట్లాడుతూ రాష్ట్రంలోని మహిళా సంఘాలకు ఇప్పటివరకు యాభై ఏడు వేల కోట్ల రూపాయల రుణాలు మంజూరు చేసినట్లు వెల్లడించారు. అయితే ఈ లెక్కలను కేటీఆర్ తీవ్రంగా ఖండించారు.
ప్రభుత్వం పేర్కొన్నట్లుగా మహిళలకు అంత మొత్తంలో రుణాలు ఇచ్చినట్లు ఆర్డర్ కాపీని(Order Copy) సభలో చూపిస్తే తాను వెంటనే ఎమ్మెల్యే పదవికి (MLA Post) రాజీనామా (Resignation) చేస్తానని కేటీఆర్ సవాల్ చేశారు. ఒకవేళ అలాంటి ఆధారాలు చూపించలేకపోతే తప్పు సమాచారం ఇచ్చినందుకు డిప్యూటీ సీఎం తన పదవికి రాజీనామా చేయాలా అని ప్రశ్నించారు.
ఈ సవాల్తో అసెంబ్లీలో ఉద్రిక్త పరిస్థితులు నెలకొన్నాయి. అధికార, ప్రతిపక్ష సభ్యుల మధ్య తీవ్ర వాగ్వాదం జరిగింది. గణాంకాల విషయంలో ప్రభుత్వం ప్రజలను తప్పుదారి పట్టిస్తోందని కేటీఆర్ ఆరోపించారు.
