తెలంగాణ ముఖ్యమంత్రి రేవంత్ రెడ్డి (Revanth Reddy) కేరళ సీఎం పినరయ్ విజయన్(Pinarayi Vijayan)కు బహిరంగ సవాల్ విసిరారు. తెలంగాణలో (Telangana) అమలు చేస్తున్న ఆరు గ్యారెంటీలు (Six Guarantees) ఎలా పనిచేస్తున్నాయో స్వయంగా వచ్చి చూడాలని సూచించారు. తమ ప్రభుత్వం అమలు చేస్తున్న సంక్షేమ పథకాల (Welfare Schemes) వల్ల ప్రజలకు నేరుగా లాభాలు అందుతున్నాయని ఆయన పేర్కొన్నారు.
సంక్షేమ పథకాలపై రేవంత్ వివరణ
రైతుల సంక్షేమాన్ని (Farmers Welfare) ముఖ్యంగా తీసుకున్నామని, ఇప్పటికే రైతుల రుణాలను మాఫీ చేశామని సీఎం తెలిపారు. రైతు భరోసా (Rythu Bharosa) కింద వేల కోట్ల రూపాయలను విడుదల చేసి రైతులకు ఆర్థికంగా బలం చేకూర్చినట్లు చెప్పారు. అలాగే లక్షల్లో ప్రభుత్వ ఉద్యోగాలు ఇచ్చి యువతకు అవకాశాలు కల్పించినట్లు వెల్లడించారు.
కేరళ అసెంబ్లీ ఎన్నికల నేపథ్యంలో ప్రతిపక్ష కాంగ్రెస్ నేతృత్వంలోని యూడీఎఫ్ (UDF) కార్యక్రమంలో పాల్గొన్న రేవంత్ రెడ్డి, అక్కడే పినరయ్ విజయన్ ప్రభుత్వంపై (Pinarayi Vijayan Government) విమర్శలు గుప్పించారు. తెలంగాణలో గతంలో ఉన్న పాలనతో పోలిస్తే ఇప్పుడు ప్రజా ప్రభుత్వం నడుస్తోందని పేర్కొన్నారు.
కేరళలో కూడా మార్పు అవసరమని, రాబోయే ఎన్నికల్లో యూడీఎఫ్కు ప్రజలు మద్దతు ఇస్తారని ఆయన విశ్వాసం వ్యక్తం చేశారు. పదేళ్ల పాలనలో కేరళను ప్రస్తుత ప్రభుత్వం వెనక్కి నెట్టిందని విమర్శించారు.
