తెలంగాణ(Telangana) రాష్ట్ర నూతన గవర్నర్గా (New Governor) శివప్రతాప్ శుక్లా (Shiv Pratap Shukla) బాధ్యతలు స్వీకరించారు. లోక్భవన్లో నిర్వహించిన కార్యక్రమంలో హైకోర్టు ప్రధాన న్యాయమూర్తి ఆయనతో ప్రమాణ స్వీకారం (Oath Taking Ceremony) చేయించారు. కార్యక్రమం ప్రారంభంలో వందేమాతరం గేయం ఆలపించారు.
ఈ కార్యక్రమానికి రాష్ట్ర స్పీకర్, మండలి ఛైర్మన్, ముఖ్యమంత్రి రేవంత్ రెడ్డి (Chief Minister Revanth Reddy), ఉప ముఖ్యమంత్రి భట్టి విక్రమార్క (Bhatti Vikramarka), పలువురు మంత్రులు మరియు ప్రజాప్రతినిధులు హాజరయ్యారు. శివప్రతాప్ శుక్లా తెలుగులో ప్రమాణ స్వీకారం చేయడం ప్రత్యేక ఆకర్షణగా నిలిచింది.
శివప్రతాప్ శుక్లా ఉత్తరప్రదేశ్కు చెందిన సీనియర్ రాజకీయ నాయకుడు. ఆయనకు సుదీర్ఘ రాజకీయ అనుభవం ఉంది. విద్యార్థి దశలోనే అఖిల భారతీయ విద్యార్థి పరిషత్ ద్వారా రాజకీయాల్లోకి ప్రవేశించారు. అత్యవసర పరిస్థితి సమయంలో ఆయన జైలుకు కూడా వెళ్లారు.
ఉత్తరప్రదేశ్లో (Uttar Pradesh) నాలుగు సార్లు ఎమ్మెల్యేగా ఎన్నికై సేవలందించారు. రాష్ట్ర మంత్రివర్గంలో కేబినెట్ మంత్రిగా పనిచేశారు. అనంతరం కేంద్ర ఆర్థిక శాఖలో సహాయ మంత్రిగా బాధ్యతలు నిర్వర్తించారు.
ఇటీవలి కాలంలో ఆయన హిమాచల్ ప్రదేశ్ గవర్నర్గా సేవలందించారు. ఇప్పుడు తెలంగాణ రాష్ట్ర గవర్నర్గా బాధ్యతలు స్వీకరించారు.
