ఐపీఎల్ (IPL) 2026 సీజన్కు ముందు సన్రైజర్స్ హైదరాబాద్ (Sunrisers Hyderabad) జట్టు యాజమాన్యం కీలక నిర్ణయం తీసుకుంది. జట్టు రెగ్యులర్ కెప్టెన్ పాట్ కమిన్స్ (Pat Cummins) గాయంతో దూరంగా ఉండటంతో, అతని స్థానంలో యువ వికెట్ కీపర్ బ్యాటర్ ఇషాన్ కిషన్ను (Ishan Kishan) తాత్కాలిక కెప్టెన్గా (Captain) నియమించింది.
వైస్ కెప్టెన్గా అభిషేక్ శర్మ
పాట్ కమిన్స్ వెన్నునొప్పి కారణంగా ప్రస్తుతం విశ్రాంతి తీసుకుంటుండగా, పూర్తిగా కోలుకునే వరకు జట్టుకు అందుబాటులో ఉండరని మేనేజ్మెంట్ స్పష్టం చేసింది. ఈ నేపథ్యంలో ఇషాన్ కిషన్ జట్టును ముందుండి నడిపించనున్నారు.
అలాగే డ్యాషింగ్ ఓపెనర్ అభిషేక్ శర్మకు (Abhishek Sharma) వైస్ కెప్టెన్ (Vice-Captain) బాధ్యతలు అప్పగించారు. ఈ ఇద్దరు యువ ఆటగాళ్లు కలిసి జట్టును నడిపించనున్నారు. ఈ నెల ఇరవై ఎనిమిదో తేదీన రాయల్ ఛాలెంజర్స్ బెంగళూరుతో జరగనున్న తొలి మ్యాచ్లో ఇషాన్ కిషన్ కెప్టెన్గా జట్టును నడిపించనున్నాడు.
యువ ఆటగాళ్లకు బాధ్యతలు అప్పగిస్తూ కొత్త వ్యూహంతో ఎస్ ఆర్ హెచ్ బరిలోకి దిగుతోంది. ఇషాన్ కిషన్ దూకుడైన కెప్టెన్సీ జట్టుకు ఎంతవరకు ఉపయోగపడుతుందో చూడాలి.
𝐀𝐍𝐍𝐎𝐔𝐍𝐂𝐄𝐌𝐄𝐍𝐓 🚨
— SunRisers Hyderabad (@SunRisers) March 18, 2026
Pat Cummins will miss a few games while recovering from injury.
Until he recovers, Ishan Kishan will be the Captain and Abhishek Sharma will be the Vice-Captain. pic.twitter.com/etXJUkQJeG
