టీ20 ప్రపంచకప్లో (T20 World Cup) ఘన విజయం సాధించిన భారత జట్టు (India Team) మరోసారి ప్రపంచ క్రికెట్లో తన ఆధిపత్యాన్ని చాటింది. మూడోసారి టీ20 ప్రపంచకప్ ట్రోఫీని (T20 World Cup Trophy) గెలుచుకున్న జట్టుగా భారత్ ప్రత్యేక రికార్డు సృష్టించింది. తాజాగా విడుదలైన అంతర్జాతీయ టీ20 ర్యాంకింగ్స్లో (International T20 Rankings) కూడా భారత ఆటగాళ్లు అద్భుతంగా రాణించారు. ముఖ్యంగా బ్యాటింగ్ విభాగంలో (Batting Category) టాప్–2 స్థానాలను భారత ఆటగాళ్లే దక్కించుకోవడం విశేషం.
బ్యాటింగ్లో టాప్ స్థానాల్లో భారత ఆటగాళ్లు
ఈ సీజన్లో తన ఫామ్పై విమర్శలు ఎదుర్కొన్న అభిషేక్ (Abhishek Sharma) మొదటి స్థానంలో కొనసాగుతున్నాడు. టోర్నీలో 317 పరుగులు సాధించిన ఇషాన్ కిషన్ (Ishan Kishan) రెండు స్థానాలు ఎగబాకి రెండో స్థానాన్ని దక్కించుకున్నాడు. వీరిద్దరి మధ్య కేవలం నాలుగు రేటింగ్ పాయింట్ల తేడా మాత్రమే ఉంది. సంజు శామ్సన్ (Sanju Samson) 22వ స్థానంలో ఉండగా, శివమ్ దూబే (Shivam Dube) 27వ స్థానాన్ని పొందాడు.
బౌలింగ్ విభాగంలో మాత్రం మార్పులు చోటు చేసుకున్నాయి. ఇప్పటి వరకు మొదటి స్థానంలో ఉన్న వరుణ్ చక్రవర్తి రెండో స్థానానికి పడిపోయాడు. అఫ్గానిస్థాన్ స్టార్ రషీద్ మొదటి స్థానాన్ని కైవసం చేసుకున్నాడు. జస్ప్రీత్ బుమ్రా (Jasprit Bumrah) ఆరో స్థానానికి చేరుకోగా, అక్షర్ పటేల్ 17వ స్థానంలో కొనసాగుతున్నాడు.
ఆల్రౌండర్ల జాబితాలో హార్దిక్ పాండ్యా (Hardik Pandya) తన కెరీర్లోనే అత్యుత్తమ రేటింగ్తో రెండో స్థానంలో నిలిచాడు. జింబాబ్వే కెప్టెన్ సికందర్ రజా మొదటి స్థానంలో ఉన్నాడు. ఇతర దేశాల ఆటగాళ్లలో న్యూజిలాండ్ ఓపెనర్ ఫిన్ అలెన్ సెమీఫైనల్లో వేగవంతమైన సెంచరీతో 20వ స్థానానికి చేరుకున్నాడు. ఇంగ్లాండ్ యువ ఆటగాడు జాకబ్ బెథెల్ 17 స్థానాలు ఎగబాకి 16వ ర్యాంక్ను దక్కించుకున్నాడు.
