తిరుమల లడ్డూ వివాదంపై (Tirumala Laddu Controversy) సుప్రీంకోర్టులో (Supreme Court) కీలక పరిణామం చోటుచేసుకుంది. లడ్డూల్లో జంతు కొవ్వు(Animal Fat) లేదా రసాయనాలు (Chemicals) కలిసినట్లు జరుగుతున్న ప్రచారంపై దాఖలైన పిటిషన్ను సుప్రీంకోర్టు విచారించింది. ఈ సందర్భంగా చీఫ్ జస్టిస్ (Chief Justice) పిటిషనర్ను నేరుగా ప్రశ్నిస్తూ ముఖ్య వ్యాఖ్యలు చేశారు.
ఆధారాలు ఉంటే విచారణ సంస్థకు ఇవ్వాలని సూచన
విచారణ సందర్భంగా చీఫ్ జస్టిస్ మాట్లాడుతూ లడ్డూల్లో జంతు కొవ్వు కలిసిందని చెప్పడానికి మీరు నిపుణులా అని పిటిషనర్ను (Petitioner) ప్రశ్నించారు. ఇలాంటి ఆరోపణలు చేయాలంటే దానికి తగిన ఆధారాలు ఉండాలని స్పష్టం చేశారు. ఇప్పటికే ఈ వ్యవహారంపై కేంద్ర దర్యాప్తు సంస్థ దర్యాప్తు కొనసాగుతోందని కోర్టు తెలిపింది. పిటిషనర్ వద్ద ఏవైనా ఆధారాలు ఉంటే వాటిని నేరుగా కేంద్ర దర్యాప్తు సంస్థకు అందించాలని సూచించింది.
పిటిషన్ వివరాలు
తిరుపతి లడ్డూల్లో జంతు కొవ్వు లేదా రసాయనాలు ఉన్నాయని జరుగుతున్న ప్రచారాన్ని నిలిపివేయాలని కోరుతూ మానూరు శ్రీనివాస్ (Manuru Srinivas) సుప్రీంకోర్టును ఆశ్రయించారు. తప్పుడు సమాచారాన్ని వ్యాప్తి చేస్తున్న వారిపై చర్యలు తీసుకోవాలని కూడా పిటిషన్లో కోరారు. అయితే ఈ అంశంపై ఇప్పటికే దర్యాప్తు కొనసాగుతోందని పేర్కొంటూ సుప్రీంకోర్టు పిటిషన్ను కొట్టివేసింది.
