భారతీయ సినీ పరిశ్రమలో భారీ అంచనాలు రేకెత్తిస్తున్న ‘వారణాసి’ సినిమాపై తాజా అప్డేట్ ఆసక్తిని మరింత పెంచింది. సూపర్ స్టార్ మహేష్ బాబు హీరోగా, దర్శకుడు ఎస్ ఎస్ రాజమౌళి తెరకెక్కిస్తున్న ఈ భారీ చిత్రం 07 ఏప్రిల్ 2027న ప్రపంచవ్యాప్తంగా విడుదల కానుంది. నేడు 07 ఏప్రిల్ 2026న ఈ రిలీజ్ డేట్ అధికారికంగా ప్రకటించడంతో ఫ్యాన్స్లో హైప్ ఒక్కసారిగా పెరిగింది.
గ్లోబ్ ట్రాటింగ్ అడ్వెంచర్గా ‘వారణాసి’
ఈ సినిమా కేవలం యాక్షన్ డ్రామా మాత్రమే కాకుండా, ప్రపంచాన్ని చుట్టే సాహసయాత్రగా రూపొందుతోంది. భారతీయ ఆధ్యాత్మికతను అడ్వెంచర్తో మిళితం చేస్తూ కథను రూపొందించారు. వారణాసి నగరంలోని పురాతన రహస్యాలు, అంటార్కిటికాలోని మంచు పర్వతాలు, ఆఫ్రికా అడవులు ఇలా 3 విభిన్న ప్రదేశాల్లో సాగే ఈ ప్రయాణం ప్రేక్షకులకు కొత్త అనుభూతిని ఇవ్వనుంది.
హాలీవుడ్ స్థాయి నిర్మాణ విలువలతో తెరకెక్కుతున్న ఈ చిత్రం విజువల్ వండర్గా నిలవనుందని సినీ వర్గాలు భావిస్తున్నాయి. ఇప్పటికే ఈ ప్రాజెక్ట్పై ఉన్న అంచనాలు భారీగా ఉండగా, రిలీజ్ డేట్ ప్రకటనతో అవి మరింత పెరిగాయి.
