విజయ్ దేవరకొండ (Vijay Deverakonda) హీరోగా తెరకెక్కుతున్న పీరియడ్ యాక్షన్ సినిమా రణబాలి (Ranabali) మరోసారి వార్తల్లో నిలిచింది. ప్రస్తుతం ఈ సినిమా షూటింగ్ అనంతపురంలో (Anantapur) వేగంగా జరుగుతుండగా, షూటింగ్ స్పాట్ నుంచి ఒక కీలక ఫైట్ సీన్ (Fight scene) వీడియో లీక్ (Leak) కావడం సంచలనంగా మారింది.
లీక్ వీడియోలో ఉగ్రరూపం.. మాస్ డైలాగులతో హైప్
లీకైన వీడియోలో విజయ్ దేవరకొండ ఎంతో ఇంటెన్స్ లుక్లో (Intense Look) కనిపిస్తూ ఉగ్రరూపం ప్రదర్శించాడు. ముఖ్యంగా ఆయన డైలాగ్ డెలివరీ (Dialogue Delivery), వాయిస్ మోడ్యులేషన్ (Voice Modulation) చూస్తే థియేటర్లలో విజిల్స్ ఖాయం అన్న భావన కలుగుతోంది. పవర్ఫుల్ యాక్షన్ సీక్వెన్స్లతో ఈ సినిమా భారీ స్థాయిలో రూపొందుతున్నట్టు తెలుస్తోంది.
ఈ సినిమాలో విజయ్ బాడీ లాంగ్వేజ్, యాస ఆయన కెరీర్లోనే ప్రత్యేకంగా నిలుస్తాయని అభిమానులు భావిస్తున్నారు. ట్యాక్సీవాలా తర్వాత దర్శకుడు రాహుల్ సంకృత్యన్తో (Rahul Sankrityan) కలిసి చేస్తున్న ఈ సినిమా కావడంతో అంచనాలు మరింత పెరిగాయి. అలాగే ఇందులో రష్మిక మందన్న కథానాయికగా నటిస్తుండటంతో హైప్ ఆకాశాన్నంటుతోంది.
అయితే లీక్ వీడియోతో అభిమానులు ఆనందపడుతున్నప్పటికీ, చిత్ర బృందం మాత్రం ఆందోళన వ్యక్తం చేస్తోంది. ఇటీవల చాలా సినిమాలు లీకుల సమస్యను ఎదుర్కొంటుండగా, రణబాలి కూడా అదే పరిస్థితిని ఎదుర్కొంటోంది.
అయినప్పటికీ ఈ లీక్ వల్ల సినిమాపై ఆసక్తి మరింత పెరిగిందని, విజయ్ దేవరకొండ రష్మిక (Rashmika) కాంబినేషన్ ఈసారి భారీ బ్లాక్బస్టర్ అందిస్తుందని అభిమానులు నమ్ముతున్నారు.
