విజయవాడలో (Vijayawada) బయటపడిన టెర్రర్ లింక్స్ కేసు (Terror Links Case) సంచలనం రేపుతోంది. ఈ కేసులో మొత్తం 12 మంది పాత్ర ఉన్నట్లు పోలీసులు వెల్లడించారు. ఇన్స్టాగ్రామ్ వేదికగా ఐక్యూఐఎస్ (IQIS), ఐఎస్.ఐఎస్ (ISIS) పేర్లతో రెండు గ్రూపులు ఏర్పాటు చేసి తీవ్రవాద భావజాలాన్ని వ్యాప్తి చేస్తున్నట్లు గుర్తించారు. ఒక గ్రూపులో 5 మంది, మరో గ్రూపులో 7 మంది సభ్యులు ఉన్నట్లు విచారణలో తేలింది.
ఈ గ్రూపుల ద్వారా యువతను ఆకర్షిస్తూ తీవ్రవాద సిద్ధాంతాలను ప్రోత్సహించడం ప్రధాన ఉద్దేశ్యంగా ఉన్నట్లు అధికారులు తెలిపారు. ఇతర రాష్ట్రాలకు చెందిన వ్యక్తులు ఒక గ్రూపుగా ఏర్పడి సోషల్ మీడియాలో పోస్టింగ్స్ చేస్తూ నెట్వర్క్ను విస్తరించేందుకు ప్రయత్నించినట్లు పోలీసులు గుర్తించారు.
ఈ కేసుపై ఐజీ ఎస్ ఎస్ త్రిపాటి (S S Tripathi) వివరాలు వెల్లడిస్తూ, ఇప్పటివరకు ముగ్గురు నిందితులను అరెస్ట్ చేసినట్లు తెలిపారు. వీరు విజయవాడకు (Vijayawada) చెందిన వారేనని చెప్పారు. వారి వద్ద నుంచి మొబైల్ ఫోన్లు, ఇతర ఎలక్ట్రానిక్ పరికరాలను స్వాధీనం చేసుకున్నట్లు వెల్లడించారు.
ఇంకా ఈ నెట్వర్క్లో ఎవరెవరు ఉన్నారనే దానిపై లోతైన దర్యాప్తు కొనసాగుతోంది. మిగిలిన సభ్యులు ఇతర రాష్ట్రాలకు చెందినవారిగా గుర్తించడంతో, వారిని అదుపులోకి తీసుకునేందుకు ప్రత్యేక పోలీసు బృందాలు పంపించబడ్డాయి.
వీరంతా డబ్బుల కోసం పనిచేస్తున్నారా లేదా మరేదైనా ఉద్దేశ్యంతో ఈ కార్యకలాపాలు నిర్వహిస్తున్నారా అన్న కోణంలో కూడా విచారణ కొనసాగుతోంది. త్వరలోనే మిగిలిన నిందితులను కూడా పట్టుకుంటామని పోలీసులు స్పష్టం చేశారు.
