టాలీవుడ్లో ప్రస్తుతం భారీ అంచనాలు నెలకొన్న మల్టీస్టారర్ చిత్రాల్లో #VenkyAnil5 ఒకటి. విక్టరీ వెంకటేష్(Victory Venkatesh) – నందమూరి కళ్యాణ్ రామ్ (Nandamuri Kalyan Ram) కాంబినేషన్లో తెరకెక్కుతున్న ఈ క్రేజీ ప్రాజెక్ట్కు దర్శకుడు అనిల్ రావిపూడి (Anil Ravipudi) దర్శకత్వం వహిస్తున్నారు. సినిమా ప్రకటించిన రోజు నుంచే ప్రేక్షకుల్లో భారీ ఆసక్తి నెలకొనగా.. ఇప్పుడు మూవీ టీమ్ ఇచ్చిన కొత్త అప్డేట్ సోషల్ మీడియాలో ట్రెండింగ్గా మారింది.
ఈ సినిమాకు ప్రముఖ సంగీత దర్శకుడు జీవీ ప్రకాష్ కుమార్ (GV Prakash Kumar) సంగీతం అందిస్తున్నట్లు చిత్రబృందం అధికారికంగా ప్రకటించింది. అయితే సాధారణంగా పోస్టర్ రిలీజ్ (Poster Release) చేసి సరిపెట్టకుండా.. డైరెక్టర్ అనిల్ రావిపూడి స్టైల్లో ఓ ఫన్ వీడియోతో జీవీ ప్రకాష్కు వెల్కమ్ (Welcome) చెప్పారు. ప్రస్తుతం ఆ వీడియో సోషల్ మీడియాలో వైరల్ అవుతోంది.
అనిల్ రావిపూడి తన సోషల్ మీడియా అకౌంట్ ద్వారా షేర్ చేసిన వీడియోలో.. జీవీ ప్రకాష్ కుమార్తో కలిసి సముద్ర తీరంలో కనిపించారు. జంధ్యాల గారి క్లాసిక్ కామెడీ స్టైల్ను రీక్రియేట్ చేస్తూ ఇద్దరూ చేసిన సరదా సన్నివేశాలు అభిమానులను కడుపుబ్బా నవ్విస్తున్నాయి. ముఖ్యంగా అనిల్ కామెడీ టైమింగ్కు నెటిజన్లు ఫిదా అవుతున్నారు.
ఈ సందర్భంగా అనిల్ రావిపూడి చేసిన పోస్ట్ కూడా అభిమానులను ఆకట్టుకుంది. “జీవీ ప్రకాష్ మ్యూజిక్ అంటే నాకు చాలా ఇష్టం. ఆయన ట్యూన్స్ ప్రేక్షకులకు వెంటనే కనెక్ట్ అవుతాయి. మా #VenkyAnil5 ప్రాజెక్ట్లోకి ఆయనను హృదయపూర్వకంగా ఆహ్వానిస్తున్నాం. మా ఫన్ కాన్సెప్ట్ను నమ్మి షూట్లో మాతో కలిసి ఎంజాయ్ చేసిన జీవీ ప్రకాష్కు ప్రత్యేక ధన్యవాదాలు” అంటూ అనిల్ పేర్కొన్నారు.
I've always admired @gvprakash's ability to make music that connects instantly with audiences.👌🏻
— Anil Ravipudi (@AnilRavipudi) June 12, 2026
Thrilled to welcome him on board for #VenkyAnil5 – #NKRAnil2 🤗
And we had a blast pulling off this fun concept…
A big thank you to GV for trusting the idea, joining in… pic.twitter.com/AeAMx5hJbd
ఇక జీవీ ప్రకాష్ ఎంట్రీతో ఈ సినిమా మ్యూజిక్ ఆల్బమ్పై భారీ అంచనాలు పెరిగిపోయాయి. ఇప్పటికే అనిల్ రావిపూడి సినిమాలకు మంచి మ్యూజిక్ హైలైట్గా నిలుస్తుండగా.. ఇప్పుడు జీవీ ప్రకాష్ జత కావడంతో పాటలు నెక్స్ట్ లెవెల్లో ఉండబోతున్నాయని అభిమానులు కామెంట్లు చేస్తున్నారు.
ఈ చిత్రాన్ని షైన్ స్క్రీన్స్ బ్యానర్పై సాహు గారపాటి, హరీష్ పెద్ది నిర్మిస్తుండగా.. జీ స్టూడియోస్, సురేష్ ప్రొడక్షన్స్ సంయుక్తంగా నిర్మాణంలో భాగస్వామ్యంగా ఉన్నాయి. త్వరలోనే ఈ సినిమాకు సంబంధించిన మరిన్ని క్రేజీ అప్డేట్స్ రానున్నట్లు తెలుస్తోంది.
