వెల్కమ్ టు ‘జడల్ జమానా’… ‘ది ప్యారడైజ్’లో విక్రమ్ మాలిక్ ఎంట్రీ మామూలుగా లేదు!

నాచురల్ స్టార్ నాని(Nani), దర్శకుడు శ్రీకాంత్ ఓదెల (Srikanth Odela) కాంబినేషన్‌లో తెరకెక్కుతున్న భారీ యాక్షన్ డ్రామా ‘ది ప్యారడైజ్’పై (The Paradise) అంచనాలు రోజురోజుకూ పెరుగుతున్నాయి. ‘దసరా’ తర్వాత వీరిద్దరి కాంబినేషన్‌లో వస్తున్న 2వ చిత్రం కావడంతో అభిమానులు ఎంతో ఆసక్తిగా ఎదురుచూస్తున్నారు. ఇప్పటికే ఈ సినిమా ప్రచారంలో భాగంగా విడుదలైన ‘జడల్ జమానా’ కాన్సెప్ట్ దేశవ్యాప్తంగా చర్చనీయాంశంగా మారింది.

ఇప్పుడు చిత్రబృందం మరో కీలక పాత్రను ప్రేక్షకులకు పరిచయం చేసింది. ఈ చిత్రంలో నటిస్తున్న రాఘవ్ జుయల్ (Raghav Juyal) పోషిస్తున్న విక్రమ్ మాలిక్ (Vikram Malik) పాత్రకు సంబంధించిన ప్రత్యేక వీడియోను విడుదల చేసింది. ఈ వీడియోలో విక్రమ్ మాలిక్ పాత్ర ఎంత పవర్‌ఫుల్‌గా, ఎంత భయంకరమైన ప్రభావాన్ని చూపబోతోందో స్పష్టమైన సంకేతాలు కనిపిస్తున్నాయి.

వీడియోలో వినిపించిన మాస్ డైలాగ్స్ ప్రస్తుతం సోషల్ మీడియాలో వైరల్ అవుతున్నాయి. “ఖాన్దాన్ కా షాన్(Khandan Ka Shaan)… దోస్తోన్ కా జాన్(Doston Ka Jaan).. విక్రమ్ మాలిక్‌కి (Vikram Malik) స్వాగతం (Welcome) సుస్వాగతం.. షెహర్ మేరా(Shehar Mera).. నామ్ మేరా(Naam Mera).. వెల్కమ్ టు జడల్ జమానా..(Welcome to Jadal Jamana).” అంటూ వినిపించే డైలాగ్స్ అభిమానులను విపరీతంగా ఆకట్టుకుంటున్నాయి. ఈ ఒక్క వీడియోతోనే విక్రమ్ మాలిక్ పాత్ర సినిమాకు కీలక బలంగా నిలవబోతోందనే అభిప్రాయం వ్యక్తమవుతోంది.

దర్శకుడు శ్రీకాంత్ ఓదెల మరోసారి తనదైన రా అండ్ రగ్గడ్ మేకింగ్ స్టైల్‌ను ఈ చిత్రంలో చూపించబోతున్నట్లు తాజా ప్రమోషనల్ వీడియో స్పష్టం చేస్తోంది. పీరియడ్ బ్యాక్‌డ్రాప్‌లో రూపొందుతున్న ఈ యాక్షన్ ఎంటర్‌టైనర్‌లో ప్రతి పాత్రను బలంగా తీర్చిదిద్దుతున్నట్లు తెలుస్తోంది. ముఖ్యంగా నాని, విక్రమ్ మాలిక్ పాత్రల మధ్య వచ్చే సన్నివేశాలు సినిమాకు ప్రధాన ఆకర్షణగా నిలిచే అవకాశాలు కనిపిస్తున్నాయి.

భారీ బడ్జెట్‌తో తెరకెక్కుతున్న ఈ చిత్రాన్ని శ్రీ లక్ష్మి వెంకటేశ్వర సినిమాస్ (Sri Lakshmi Venkateswara Cinemas) పతాకంపై సుధాకర్ చెరుకూరి (Sudhakar Cherukuri) నిర్మిస్తున్నారు. రాక్‌స్టార్ అనిరుధ్ రవిచందర్ (Anirudh Ravichander) సంగీతం అందిస్తున్న ఈ సినిమాపై ఇప్పటికే భారీ అంచనాలు నెలకొన్నాయి. త్వరలో అధికారిక గ్లింప్స్ లేదా టీజర్‌ను విడుదల చేసే అవకాశముందని సినీ వర్గాల్లో ప్రచారం జరుగుతోంది.

ట్రేడ్ వర్గాల అంచనాల ప్రకారం ‘ది ప్యారడైజ్’ నాని కెరీర్‌లోనే అత్యంత భారీ స్థాయిలో తెరకెక్కుతున్న యాక్షన్ చిత్రంగా నిలవనుంది. వరుసగా విడుదలవుతున్న అప్డేట్స్ సినిమాపై ఆసక్తిని మరింత పెంచుతున్నాయి. విక్రమ్ మాలిక్ పాత్ర పరిచయంతో ఇప్పుడు ‘ది ప్యారడైజ్’పై అభిమానుల్లో ఉన్న అంచనాలు మరో స్థాయికి చేరుకున్నాయి.