అక్కినేని హీరో అఖిల్ నటించిన మోస్ట్ అవేటెడ్ కమర్షియల్ యాక్షన్ ఎంటర్టైనర్ ‘లెనిన్’ ఈరోజు థియేటర్లలో గ్రాండ్గా విడుదలైంది. భారీ అంచనాల నడుమ ప్రేక్షకుల ముందుకు వచ్చిన ఈ సినిమాకు తొలి ఆట నుంచే మంచి స్పందన లభిస్తోంది. ఇదే సమయంలో అందరి దృష్టిని ఆకర్షించేలా స్టార్ హీరోయిన్ సమంత రూత్ ప్రభు సోషల్ మీడియా వేదికగా ‘లెనిన్’ చిత్ర బృందానికి, ముఖ్యంగా అఖిల్ అక్కినేనికి ప్రత్యేకంగా శుభాకాంక్షలు తెలియజేయడం హాట్ టాపిక్గా మారింది.
నాగచైతన్యతో విడాకుల తర్వాత కూడా అక్కినేని కుటుంబ సభ్యుల పట్ల సమంత చూపిస్తున్న గౌరవం మరోసారి చర్చనీయాంశమైంది. వ్యక్తిగత కారణాలతో ఇద్దరూ విడిపోయినప్పటికీ కుటుంబ సభ్యుల మధ్య ఉన్న పరస్పర గౌరవం మాత్రం ఏమాత్రం తగ్గలేదని సమంత తాజా పోస్ట్ మరోసారి స్పష్టం చేసింది.
ఇటీవల సమంత నటించిన ‘మా ఇంటి బంగారం’ సినిమా విజయం సాధించిన సందర్భంగా ‘లెనిన్’ ప్రమోషన్స్లో పాల్గొన్న అఖిల్ ఆమెకు ప్రత్యేకంగా అభినందనలు తెలిపారు. ఇప్పుడు అదే అభిమానంతో స్పందించిన సమంత, “ఆల్ ది బెస్ట్ అఖిల్ అండ్ లెనిన్ టీమ్. ఇప్పటికే బ్లాక్బస్టర్ వైబ్స్ కనిపిస్తున్నాయి” అంటూ సోషల్ మీడియాలో పోస్ట్ చేయడంతో సినీ వర్గాల్లో ఆసక్తికర చర్చ మొదలైంది.
సమంత పోస్ట్కు నెటిజన్లు, అక్కినేని అభిమానులు భారీగా స్పందిస్తున్నారు. వ్యక్తిగత జీవితాలు వేరైనా పరస్పర గౌరవం, అనుబంధం ఎప్పటికీ అలాగే ఉంటాయని కామెంట్లు చేస్తున్నారు. ప్రస్తుతం సమంత చేసిన ఈ పోస్ట్ సోషల్ మీడియాలో వైరల్గా మారి ట్రెండింగ్లో కొనసాగుతోంది.
