కూటమి సర్కార్ నిర్లక్ష్యానికి సాక్ష్యం.. ప్రియాంక ఘటన

ఆంధ్రప్రదేశ్‌లో (Andhra Pradesh) కూటమి ప్రభుత్వం (Coalition Government) అధికారంలోకి వచ్చిన తర్వాత మహిళల భద్రత(Women Safety), మద్యం నియంత్రణ(Liquor Control), శాంతిభద్రతల(Law and Order) విషయంలో ప్రభుత్వం (Government) తీవ్రంగా విఫలమైందన్న విమర్శలు వెల్లువెత్తుతున్నాయి. తాజాగా రాజమహేంద్రవరంలో (Rajamahendravaram) జరిగిన ఘటనలో తీవ్రంగా గాయపడి ఆసుపత్రిలో చావుబతుకుల మధ్య పోరాడి ప్రాణాలు విడిచిన పీజీ వైద్య విద్యార్థిని డాక్టర్ ప్రియాంక (Dr. Priyanka) ఘటన ఈ విమర్శలకు మరింత బలం చేకూర్చింది. ఎంతో భవిష్యత్తు ఉన్న యువ వైద్యురాలు అనూహ్య ఘటనకు గురై ప్రాణాలతో పోరాడుతున్న వేళ.. ఘటనపై ప్రభుత్వ స్పందన ఆలస్యంగా ఉండటం, పోలీసుల దర్యాప్తు తీరుపై అనుమానాలు వ్యక్తమవడం తీవ్ర చర్చకు దారితీసింది.

కూటమి ప్రభుత్వం (Coalition Government) అధికారంలోకి వచ్చిన తర్వాత రాష్ట్రంలో మద్యం విక్రయాలు విచ్చలవిడిగా పెరిగిపోయాయని ప్రతిపక్షాలు, విమర్శకులు ఆరోపిస్తున్నాయి. గ్రామీణ ప్రాంతాల నుంచి పట్టణాల వరకు మద్యం అందుబాటులో ఉండటం, దాని ప్రభావంతో యువతలో హింసాత్మక ప్రవృత్తులు పెరుగుతున్నాయని వారు ఆందోళన వ్యక్తం చేస్తున్నారు. మద్యం మత్తులో (Alcohol Intoxication) జరిగిన ఘటనలకు పలువురు బలవుతున్నారని, తాజాగా డాక్టర్ ప్రియాంక ఘటన కూడా అదే పరిస్థితుల నేపథ్యంలో చోటుచేసుకుందని విమర్శలు వినిపిస్తున్నాయి.

అయితే ఇలాంటి తీవ్రమైన ఘటన జరిగినప్పుడు ప్రభుత్వం, పోలీసు యంత్రాంగం (Police Machinery) బాధిత కుటుంబానికి అండగా నిలవడంతో పాటు నిందితులపై కఠిన చర్యలు తీసుకోవాల్సిన అవసరం ఉంది. కానీ ప్రియాంక ఘటనను తొలుత సాధారణ ప్రమాదంగా పరిగణించడం, కేసు నమోదు విషయంలో పోలీసులు వ్యవహరించిన తీరు పలు ప్రశ్నలకు తావిచ్చింది. మీడియా కథనాల్లోనూ నిందితులకు రాజకీయ పలుకుబడి ఉందనే ఆరోపణలు రావడం మరింత అనుమానాలకు కారణమైంది.

తమ కుమార్తె ప్రాణాలతో పోరాడుతున్న సమయంలో మెరుగైన వైద్యం అందించడంతో పాటు నిందితులపై కఠిన చర్యలు తీసుకోవాలని డాక్టర్ ప్రియాంక తండ్రి చేసిన విజ్ఞప్తి హృదయాలను కలచివేసింది. ఒక తండ్రి తన కుమార్తె ప్రాణాల కోసం ప్రభుత్వాన్ని ఆశ్రయించాల్సిన పరిస్థితి రావడం పాలనా వ్యవస్థపై తీవ్ర ప్రశ్నలను లేవనెత్తుతోంది. ప్రభుత్వం తరఫున మెరుగైన వైద్యం, బాధిత కుటుంబానికి భరోసా, నిందితులపై కఠిన చర్యలు వంటి అంశాల్లో స్పష్టమైన చర్యలు కనిపించాల్సిన అవసరం ఉంది.

మహిళల భద్రత విషయంలో ఎన్నికల సమయంలో కూటమి నేతలు చేసిన హామీలు, అధికారంలోకి వచ్చిన తర్వాత తీసుకున్న నిర్ణయాల మధ్య వ్యత్యాసం ఉందనే విమర్శలు కూడా వినిపిస్తున్నాయి. మహిళల రక్షణకు సంబంధించిన దిశ చట్టాన్ని ఉపసంహరించుకోవడం, అదే సమయంలో మహిళలపై నేరాలు చోటుచేసుకుంటున్నప్పుడు ప్రభుత్వ స్పందనపై ప్రశ్నలు తలెత్తడం రాజకీయంగా కూడా చర్చనీయాంశంగా మారింది.

ముఖ్యమంత్రి చంద్రబాబు నాయుడు(Nara Chandrababu Naidu), ఉప ముఖ్యమంత్రి పవన్ కల్యాణ్(Pawan Kalyan), హోంమంత్రి అనిత(Anitha), మంత్రి నారా లోకేశ్ (Nara Lokesh) వంటి కీలక నేతలు మహిళా భద్రతపై నిర్లక్ష్యం స్పష్టంగా కనిపిస్తుందని పలువురు ఆవేదన వ్యక్తం చేస్తున్నారు. ముఖ్యంగా ప్రియాంక ఘటనపై ప్రభుత్వం పూర్తి వివరాలను ప్రజల ముందుంచి, దర్యాప్తు పారదర్శకంగా జరుగుతుందని హామీ ఇవ్వాల్సిన అవసరం ఉంది.

ఒక యువ వైద్యురాలు తన భవిష్యత్తును సమాజ సేవకు అంకితం చేయాల్సిన సమయంలో తీవ్ర విషాదానికి గురైన ఈ ఘటన కేవలం ఒక కుటుంబం విషాదంగా చూడలేం. ఇది రాష్ట్రంలో మహిళల భద్రత, మద్యం నియంత్రణ, పోలీసుల పనితీరు, రాజకీయ జోక్యం ఆరోపణలు, ప్రభుత్వ బాధ్యత వంటి అనేక అంశాలను ఒకేసారి తెరపైకి తెచ్చింది. ప్రియాంకకు న్యాయం జరగాలంటే నిందితులపై చట్టపరంగా కఠిన చర్యలు తీసుకోవడంతో పాటు ఘటన వెనుక ఉన్న ప్రతి అంశాన్ని నిష్పక్షపాతంగా వెలుగులోకి తీసుకురావాల్సిన బాధ్యత ప్రభుత్వంపై ఉందని ఆ దిశగా ప్రభుత్వం అడుగులు వేస్తుందా అనే అనుమానం సామన్యుల్లో సైతం కలగడం పాలనా తీరుకి నిదర్శనం అని పలువురు విమర్శిస్తున్నారు..