ఢిల్లీ క్యాపిటల్స్‌(Delhi Capitals), బెంగాల్‌ వికెట్‌కీపర్‌ బ్యాటర్‌ అభిషేక్‌ పోరెల్‌కు (Abhishek Porel) చుంచురా కోర్టు బెయిల్‌(Bail) మంజూరు చేసింది. అత్యాచారం, దాడి, బెదిరింపులు తదితర ఆరోపణలతో నమోదైన కేసులో ఆగస్టు 11న అరెస్టయిన పోరెల్‌ 36 రోజుల పాటు జైలులో ఉన్నాడు.
కర్ణాటకకు (Karnataka) చెందిన ఓ వైద్య విద్యార్థిని జూన్‌ 23న మొగ్రా పోలీస్‌ స్టేషన్‌లో పోరెల్‌పై ఫిర్యాదు చేసింది. పెళ్లి చేసుకుంటానని హామీ ఇచ్చి తనతో లైంగిక సంబంధం కొనసాగించి మోసం చేశాడని ఆమె ఆరోపించింది. తామిద్దరం సుమారు 3.5 సంవత్సరాలుగా సంబంధంలో ఉన్నామని, కలిసి విదేశాలకు కూడా వెళ్లామని ఫిర్యాదులో పేర్కొన్నట్లు సమాచారం.
ఫిర్యాదు ఆధారంగా పోలీసులు భారతీయ న్యాయ సంహితలోని (Bharatiya Nyaya Sanhita) పలు సెక్షన్లతో పాటు సమాచార సాంకేతిక చట్టం కింద కేసు నమోదు చేసి దర్యాప్తు చేపట్టారు. పోరెల్‌ నివాసానికి పలుమార్లు వెళ్లినా అతడు కనిపించకపోవడంతో యువతి కోల్‌కతా హైకోర్టును ఆశ్రయించినట్లు నివేదికలు పేర్కొన్నాయి. అనంతరం జూలై 20న అతడిని అరెస్టు చేయాలని కోర్టు ఆదేశించినట్లు సమాచారం.
ఆగస్టు 11న పోరెల్‌ను పోలీసులు అరెస్టు చేశారు. అయితే తనపై వచ్చిన ఆరోపణలను అతడు ఖండించాడు. తాజాగా 36 రోజుల తర్వాత కోర్టు బెయిల్‌ (Court Bail) మంజూరు చేయడంతో పోరెల్‌కు ఊరట లభించింది. కేసులో తదుపరి న్యాయపరమైన ప్రక్రియ కొనసాగనుంది.
