ఆది సాయికుమార్ (Aadi Saikumar) హీరోగా నటిస్తున్న తాజా క్రైమ్ ఇన్వెస్టిగేటివ్ థ్రిల్లర్ మూవీ ‘సబ్ ఇన్‌స్పెక్టర్ యుగంధర్’(Sub Inspector Yugandhar). వరుస హత్యలతో పోలీసులకు సవాల్‌గా మారిన ఓ సైకో కిల్లర్ కేసును ఛేదించే ఎస్‌ఐ యుగంధర్ పాత్రలో ఆది సాయికుమార్ కనిపించనున్నారు.
నగరంలో వరుసగా హత్యలు జరుగుతుండటం.. ప్రతి హత్య జరిగిన 24 గంటల్లోనే మృతదేహాలు అదృశ్యం కావడం పోలీసులను అయోమయానికి గురిచేస్తుంది. దీనికి తోడు ఓ ప్రిన్సిపాల్ సెక్రటరీ మృతదేహం కూడా కనిపించకుండా పోవడంతో కేసు మరింత సంక్లిష్టంగా మారుతుంది. ఈ వరుస ఘటనల వెనుక ఉన్న అసలు నిందితుడిని పట్టుకునేందుకు ఎస్‌ఐ యుగంధర్ రంగంలోకి దిగుతాడు.
ఇటీవల విడుదలైన ట్రైలర్‌లో(Trailer) క్రైమ్(Crime), దర్యాప్తు(Investigation), యాక్షన్ (Action) అంశాలకు ప్రాధాన్యత ఇచ్చారు. ఉత్కంఠభరితమైన సన్నివేశాలతో పాటు ఆది సాయికుమార్ యాక్షన్ కూడా ఆకట్టుకునేలా ఉంది. ఒక రహస్యమైన కేసు, ధైర్యమైన పోలీస్ అధికారి, ప్రమాదాలతో కూడిన మిషన్ చుట్టూ కథ సాగనున్నట్లు ట్రైలర్ ద్వారా తెలుస్తోంది.
రాఘవేంద్ర కటారీ (Raghavendra Katari) దర్శకత్వం వహిస్తున్న ఈ చిత్రంలో మేఘలేఖ (Meghalekha) హీరోయిన్‌గా నటిస్తోంది. మార్కస్ ఎన్ (Marcus N) సంగీతం అందిస్తున్నారు. ట్రైలర్ విడుదలైనప్పటి నుంచి సినిమాపై ప్రేక్షకుల్లో ఆసక్తి పెరుగుతోంది.
క్రైమ్, ఇన్వెస్టిగేషన్, యాక్షన్ అంశాల కలయికలో తెరకెక్కిన ‘సబ్ ఇన్‌స్పెక్టర్ యుగంధర్’ అక్టోబర్ 2న థియేటర్లలోకి రానుంది.
