టాలీవుడ్ స్టార్ హీరోయిన్ సమంత రూత్ ప్రభు (Samantha Ruth Prabhu) ప్రధాన పాత్రలో నటిస్తున్న మోస్ట్ అవేటెడ్ మూవీ ‘మా ఇంటి బంగారం’ (Maa Inti Bangaram) ఎట్టకేలకు రిలీజ్ డేట్ను (Release Date) ఖరారు చేసుకుంది. దర్శకురాలు నందిని రెడ్డి (Nandini Reddy) తెరకెక్కిస్తున్న ఈ సినిమాపై ఇప్పటికే భారీ అంచనాలు నెలకొన్నాయి. మొదట ఈ చిత్రాన్ని మే 15న విడుదల చేయాలని చిత్ర బృందం ప్లాన్ చేసినప్పటికీ, కొన్ని అనివార్య కారణాల వల్ల రిలీజ్ వాయిదా పడింది.
తాజాగా మూవీ టీమ్ అధికారికంగా ప్రకటించిన ప్రకారం ‘మా ఇంటి బంగారం’ చిత్రం జూన్ 19న (June 19) ప్రపంచవ్యాప్తంగా గ్రాండ్గా థియేటర్లలో విడుదల కానుంది. ఈ అనౌన్స్మెంట్తో సమంత అభిమానులు ఫుల్ ఖుషీ అవుతున్నారు. రిలీజ్ డేట్ పోస్టర్ ప్రస్తుతం సోషల్ మీడియాలో వైరల్గా మారింది.
కొత్త పోస్టర్లో (New Poster) సమంత లుక్ (Samantha Look) ప్రత్యేక ఆకర్షణగా నిలిచింది. పట్టుచీరలో ఎంతో ట్రెడిషనల్గా కనిపిస్తూనే, చేతిలో తుపాకీ (Gun పట్టుకుని చాలా సీరియస్గా కనిపించింది. సినిమా టైటిల్ చాలా సాఫ్ట్గా ఉన్నప్పటికీ, పోస్టర్ మాత్రం పూర్తి యాక్షన్ ఫీల్ను ఇచ్చింది. దీంతో ఈ చిత్ర కథపై ప్రేక్షకుల్లో మరింత క్యూరియాసిటీ పెరిగింది.
ఇందులో సమంత పాత్ర చాలా పవర్ఫుల్గా ఉండబోతుందని ఇండస్ట్రీ వర్గాల్లో టాక్ వినిపిస్తోంది. భావోద్వేగాలతో పాటు యాక్షన్ ఎలిమెంట్స్ కూడా ఈ సినిమాలో బలంగా ఉండనున్నాయని సమాచారం. ఇప్పటికే విడుదలైన పోస్టర్కు అభిమానుల నుంచి భారీ రెస్పాన్స్ వస్తోంది.
ఈ చిత్రానికి సంతోష్ నారాయణన్ (Santhosh Narayanan) సంగీతం అందిస్తుండగా, ట్రలాలా మూవింగ్ పిక్చర్స్ (Tralala Moving Pictures) బ్యానర్పై ఈ మూవీ నిర్మితమవుతోంది. సమంత, నందిని రెడ్డి కాంబినేషన్లో వస్తున్న ఈ ప్రాజెక్ట్పై టాలీవుడ్లో మంచి బజ్ నెలకొంది.
