తమిళ రాజకీయాల్లో సంచలనం సృష్టిస్తూ జరిగిన ఎన్నికల్లో దళపతి విజయ్ (Thalapathy Vijay) ఘన విజయం సాధించిన విషయం తెలిసిందే. ముఖ్యమంత్రిగా (Chief Minister) బాధ్యతలు చేపట్టిన అనంతరం ఆయన మంత్రులతో (Ministers) ప్రమాణ స్వీకారం చేయించి వివిధ శాఖలను కేటాయించారు. అయితే కొన్ని కీలక శాఖల కేటాయింపులపై సోషల్ మీడియాలో తీవ్ర చర్చ నడుస్తోంది.
ముఖ్యంగా ఫిల్మ్ టెక్నాలజీ అండ్ సినిమాటోగ్రాఫ్ చట్టం శాఖను (Film Technology and Cinematograph Act Department) రాజ్ మోహన్కు (Raj Mohan) అప్పగించడంపై నెటిజన్లు విమర్శలు గుప్పిస్తున్నారు. సినిమా రంగానికి ప్రత్యక్ష అనుభవం లేని వ్యక్తికి ఇంత కీలక శాఖ ఇవ్వడం సరైన నిర్ణయమా అంటూ సోషల్ మీడియాలో పెద్ద ఎత్తున కామెంట్లు వస్తున్నాయి.
ఈ వివాదంపై ప్రముఖ నటుడు, దర్శకుడు రాఘవ లారెన్స్(Raghava Lawrence) స్పందించారు. సోషల్ మీడియా వేదికగా ఆయన చేసిన పోస్ట్ ప్రస్తుతం వైరల్గా మారింది. సీఎం జోసెఫ్ విజయ్ (CM Joseph Vijay) తీసుకున్న నిర్ణయంపై పూర్తి నమ్మకం ఉందని లారెన్స్ స్పష్టం చేశారు.
“మన గౌరవ ముఖ్యమంత్రి, నా సన్నిహిత మిత్రుడు సీఎం జోసెఫ్ విజయ్ గారు భవిష్యత్తును దృష్టిలో పెట్టుకుని ఎంతో ఆలోచించి మాత్రమే ఈ నిర్ణయం తీసుకున్నారని నేను గట్టిగా నమ్ముతున్నాను. దయచేసి ఎవరూ ఆవేశంతో సోషల్ మీడియాలో నెగెటివ్ ప్రచారం చేయకండి. కొత్త ప్రభుత్వానికి కాస్త సమయం ఇవ్వండి” అంటూ లారెన్స్ ప్రజలను కోరారు.
కొత్త మంత్రి రాజ్ మోహన్ గురించి కూడా లారెన్స్ ఆశాభావం వ్యక్తం చేశారు. సినిమా పరిశ్రమ అభివృద్ధి, కళాకారుల సంక్షేమం కోసం ఆయన తన వంతు ఉత్తమ ప్రయత్నం చేస్తారనే నమ్మకం ఉందన్నారు.
విజయ్ తీసుకున్న ఈ నిర్ణయం వెనుక బలమైన వ్యూహం తప్పకుండా ఉంటుందని పేర్కొన్న లారెన్స్, తొందరపాటు విమర్శల కంటే ప్రభుత్వం పనితీరును కొంతకాలం గమనించాలని సూచించారు. ప్రస్తుతం లారెన్స్ చేసిన ఈ వ్యాఖ్యలు సోషల్ మీడియాలో విస్తృత చర్చకు దారితీశాయి.
Our Honorable Chief Minister and Nanba #CMJosephVijay surely would not have taken this decision without careful thought and consideration. Rather than reacting impulsively, let us give it some time and extend our support. I’m hopeful that Minister Raj Mohan will deliver his best… pic.twitter.com/oA1o9vKD7T
— Raghava Lawrence (@offl_Lawrence) May 17, 2026
