విశాఖతో (Visakhapatnam) పాటు బాపట్ల జిల్లా సూర్యలంక బీచ్లో (Suryalanka Beach) ‘బీచ్ షాక్స్’(Beach Shacks) పేరిట మద్యం (Liquor) అమ్మకాలు చేపడితే తప్పేంటని విశాఖ ఎంపీ(MP) శ్రీభరత్ (Sri Bharat) చేసిన వ్యాఖ్యలు రాష్ట్ర రాజకీయాల్లో తీవ్ర చర్చకు దారితీశాయి. ప్రజలు మద్యం తాగకపోతే ప్రభుత్వానికి వేల కోట్ల రూపాయల ఆదాయం ఎలా వస్తుందని ఆయన ప్రశ్నించారు. బీచ్ షాక్స్ (Beach Shacks) ఏర్పాటు నిర్ణయాన్ని ప్రజలు స్వాగతిస్తున్నారని, దీనికి సంబంధించి తన సోషల్ మీడియా పోస్టుకు లక్షల సంఖ్యలో స్పందనలు వచ్చాయని పేర్కొన్నారు. రాష్ట్ర అభివృద్ధికి ఇలాంటి నిర్ణయాలు అవసరమని ఆయన అభిప్రాయపడ్డారు.
అయితే శ్రీభరత్ చేసిన వ్యాఖ్యలపై పలు సామాజిక సంఘాలు, ప్రజా ప్రతినిధులు తీవ్ర అభ్యంతరం వ్యక్తం చేస్తున్నారు. కూటమి ప్రభుత్వ (Coalition Government) మద్యం విధానాల (Liquor Policies) వల్ల ఇప్పటికే అనేక కుటుంబాలు ఇబ్బందులు ఎదుర్కొంటున్నాయని, అలాంటి పరిస్థితుల్లో పర్యాటక ప్రాంతాలైన బీచ్లలో మద్యం విక్రయాల ఆలోచన సరైనది కాదని విమర్శిస్తున్నారు. అంతేకాకుండా సోషల్ మీడియా లైకులు, స్పందనలను ప్రజాభిప్రాయంగా చూపిస్తూ విధాన నిర్ణయాలను సమర్థించడం బాధ్యతారాహిత్యమని ఆరోపిస్తున్నారు.
ఈ నేపథ్యంలో మాజీ జనసేన నేత బోలిశెట్టి సత్యనారాయణ స్పందిస్తూ శ్రీభరత్ వ్యాఖ్యలపై తీవ్ర విమర్శలు గుప్పించారు. బీచ్ల కంటే గీతం యూనివర్సిటీలో (GITAM University) 18 సంవత్సరాలు నిండిన యువత ఎక్కువగా ఉంటారని, అలాంటప్పుడు అక్కడ కూడా మద్యం దుకాణాలు ఏర్పాటు చేసి ఆదాయం పొందాలని అనుకుంటారా అని ప్రశ్నించారు. గతంలో చంద్రబాబు నాయుడు (Nara Chandrababu Naidu) బెల్జియం తరహాలో వ్యభిచారాన్ని చట్టబద్ధం చేయాలనే ఆలోచన చేసినట్లు చర్చలు జరిగాయని గుర్తు చేస్తూ, ఆదాయం కోసం సమాజానికి హానికరమైన మార్గాలను ప్రోత్సహించడం సరైన విధానం కాదన్నారు.
భారతీయ సంస్కృతి, సంప్రదాయాలను దృష్టిలో ఉంచుకుని పాలకులు నిర్ణయాలు తీసుకోవాలని బోలిశెట్టి సూచించారు. ఆయన చేసిన వ్యాఖ్యలు ప్రస్తుతం సోషల్ మీడియాలో విస్తృతంగా వైరల్ అవుతూ చర్చనీయాంశంగా మారాయి.
