భారత్ రాష్ట్ర సమితి (బీఆర్ఎస్)(BRS) వర్కింగ్ ప్రెసిడెంట్ కేటీఆర్(KTR) తెలంగాణ రాజకీయాలపై(Telangana Politics) మరోసారి సంచలన వ్యాఖ్యలు చేశారు. రాష్ట్రంలో అధికార కాంగ్రెస్ పార్టీపై (Congress Party) ప్రజల్లో తీవ్ర వ్యతిరేకత నెలకొందని, కాంగ్రెస్ పాలనపై ప్రజలు పూర్తిగా నిరాశ చెందారని ఆయన అన్నారు. హైదరాబాద్(Hyderabad) జిల్లా పార్టీ నాయకులతో నిర్వహించిన సమావేశంలో మాట్లాడిన కేటీఆర్.. కాంగ్రెస్ ప్రభుత్వం సగం పదవీకాలం పూర్తయ్యేలోపే ప్రజల విశ్వాసాన్ని కోల్పోయిందని, రాష్ట్రంలో ఆ పార్టీ పని దాదాపు ముగిసిపోయిందని వ్యాఖ్యానించారు.
ముఖ్యమంత్రి రేవంత్ రెడ్డి(CM Revanth Reddy) స్వయంగా తన ప్రభుత్వం, నాయకత్వంపై సమగ్ర సర్వే (Survey) నిర్వహించుకున్నారని కేటీఆర్ వెల్లడించారు. ఆ సర్వేలో ప్రభుత్వ పనితీరుపై (Government Performance) ప్రజలు తీవ్ర అసంతృప్తి వ్యక్తం చేశారని, రాష్ట్రవ్యాప్తంగా కాంగ్రెస్ ప్రభుత్వంపై వ్యతిరేకత స్పష్టంగా కనిపించిందని తెలిపారు. ప్రజల అభిప్రాయాలు కాంగ్రెస్కు అనుకూలంగా లేవని, ప్రభుత్వంపై అసంతృప్తి రోజురోజుకు పెరుగుతోందని ఆయన పేర్కొన్నారు.
సర్వేల వివరాలను ప్రస్తావించిన కేటీఆర్(KTR).. ప్రస్తుతం ఎన్నికలు జరిగితే బీఆర్ఎస్కు 78 అసెంబ్లీ స్థానాలు దక్కే అవకాశం ఉందని ముఖ్యమంత్రి చేయించిన సర్వేలో తేలిందని చెప్పారు. అంతేకాకుండా 2 ప్రముఖ మీడియా సంస్థలు నిర్వహించిన సర్వేలతో పాటు కేంద్ర, రాష్ట్ర ప్రభుత్వాల ఇంటెలిజెన్స్ (Intelligence) విభాగాలు సేకరించిన నివేదికల్లో కూడా ఇదే పరిస్థితి కనిపించిందని ఆయన వెల్లడించారు. అన్ని సర్వేల్లోనూ బీఆర్ఎస్కు స్పష్టమైన ఆధిక్యం నమోదైందని, ప్రభుత్వ వ్యతిరేక ఓటు భారీగా పెరిగిందని ఆయన అన్నారు.
ప్రస్తుతం రాష్ట్రంలో పాలన పూర్తిగా గాడి తప్పిందని, ప్రజలు మరోసారి కేసీఆర్ను(KCR) ముఖ్యమంత్రిగా చూడాలని కోరుకుంటున్నారని కేటీఆర్ తెలిపారు. రాష్ట్ర అభివృద్ధి, సంక్షేమం కోసం బీఆర్ఎస్ ప్రభుత్వానికే (BRS Government) ప్రజలు మరో అవకాశం ఇవ్వాలని భావిస్తున్నారనే సంకేతాలు అన్ని సర్వేల్లో స్పష్టంగా కనిపించాయని ఆయన పేర్కొన్నారు.
కాంగ్రెస్ ప్రభుత్వం సగం పదవీకాలం పూర్తయ్యే సరికి ప్రజల్లో తీవ్ర వ్యతిరేకత ఏర్పడిందని కేటీఆర్ విమర్శించారు. వరుసగా వచ్చిన సర్వే నివేదికలు కాంగ్రెస్కు ప్రతికూలంగా ఉండటంతో ముఖ్యమంత్రి రేవంత్ రెడ్డి తీవ్ర అసహనానికి గురవుతున్నారని ఆరోపించారు. అందుకే గత కొన్ని రోజులుగా ఆయన అసంబద్ధ వ్యాఖ్యలు చేస్తున్నారని కేటీఆర్ ఎద్దేవా చేశారు. తెలంగాణలో కాంగ్రెస్ పతనాన్ని ఎవరూ ఆపలేరని, రాబోయే ఎన్నికల్లో బీఆర్ఎస్ ఘన విజయం సాధిస్తుందని ఆయన ధీమా వ్యక్తం చేశారు.
