మహేష్ బాబు ఫ్యామిలీ నుంచి మరో హీరోగా ఎంట్రీ ఇస్తున్న జై కృష్ణ ఘట్టమనేని (Jai Krishna Ghattamaneni) నటిస్తున్న తొలి సినిమా ‘శ్రీనివాస మంగాపురం’(Srinivasa Mangapuram) ట్రైలర్ విడుదలైంది. సూపర్ స్టార్ కృష్ణ (Super Star Krishna) మనవడిగా, మహేష్ బాబు (Mahesh Babu) అన్న కుమారుడిగా (Brother Son) ఇండస్ట్రీలో అడుగుపెడుతున్న జై కృష్ణపై ఇప్పటికే మంచి ఆసక్తి నెలకొంది. ప్రముఖ దర్శకుడు అజయ్ భూపతి (Ajay Bhupathi) తెరకెక్కించిన ఈ చిత్రాన్ని అశ్విని దత్ (Ashwini Dutt) సమర్పణలో పి. కిరణ్ (P. Kiran) నిర్మిస్తున్నారు. ఈ సినిమాతో బాలీవుడ్ నటి రవీనా టాండన్ కుమార్తె రాషా తడాని (Rasha Thadani) తెలుగు ప్రేక్షకులకు హీరోయిన్గా పరిచయం అవుతుండగా, మోహన్ బాబు పవర్ఫుల్ విలన్ పాత్రలో కనిపించనున్నారు.
తాజాగా విడుదలైన ట్రైలర్ను పరిశీలిస్తే ప్రేమ, యాక్షన్, ఎమోషన్స్ కలగలిసిన కమర్షియల్ ఎంటర్టైనర్గా సినిమా రూపొందినట్లు స్పష్టంగా తెలుస్తోంది. శ్రీను, మంగా ప్రేమకథ చుట్టూ కథ నడుస్తుండగా, బళ్లారి రాజు వెంకటప్పయ్య నాయుడు (Ballari Raju Venkatappaiah Naidu) పాత్ర కథను కీలక మలుపులు తిప్పేలా కనిపిస్తోంది. అజయ్ భూపతి తన మార్క్ స్టైల్లో ప్రేమకథను ఇంటెన్స్ యాక్షన్, బలమైన భావోద్వేగాలతో మిళితం చేసినట్లు ట్రైలర్ చెబుతోంది.
తొలి సినిమాతోనే జై కృష్ణ ఘట్టమనేని మంచి స్క్రీన్ ప్రెజెన్స్తో ఆకట్టుకున్నారు. ముఖ్యంగా ప్రేమ, యాక్షన్ సన్నివేశాల్లో ఆయన చూపించిన నటన ప్రేక్షకుల్లో ఆసక్తిని పెంచుతోంది. హీరోయిన్ రాషా తడాని తన అందం, సహజమైన నటనతో మంచి ఇంప్రెషన్ క్రియేట్ చేయగా, వీరిద్దరి మధ్య కెమిస్ట్రీ ట్రైలర్కు ప్రధాన హైలైట్గా నిలిచింది.
మరోవైపు మోహన్ బాబు (Mohan Babu) తనదైన స్టైల్లో విలన్ పాత్రకు బలమైన ఇంపాక్ట్ తీసుకొచ్చారు. ఆయన డైలాగ్ డెలివరీ, హావభావాలు ట్రైలర్లో ప్రత్యేక ఆకర్షణగా నిలిచాయి. విజువల్స్, బ్యాక్గ్రౌండ్ మ్యూజిక్, నిర్మాణ విలువలు కూడా సినిమాను మరింత గ్రాండ్గా చూపిస్తున్నాయి.
ఇప్పటికే ప్రేక్షకుల్లో మంచి బజ్ సంపాదించుకున్న ‘శ్రీనివాస మంగాపురం’ ఈ నెల 30న (30th, July 2026) థియేటర్లలో విడుదల కానుంది. తాజాగా వచ్చిన ట్రైలర్తో సినిమాపై అంచనాలు మరో స్థాయికి చేరుకున్నాయి. జై కృష్ణ తొలి అడుగు బాక్సాఫీస్ వద్ద ఎంతటి విజయాన్ని అందుకుంటుందో చూడాల్సి ఉంది.
