రాష్ట్రంలో కూటమి ప్రభుత్వం(Alliance Government) నిర్వహించిన డీఎస్సీపై అక్రమాలు(DSC Irregularities), అవకతవకలకు సంబంధించిన ఆరోపణలు రోజురోజుకూ తీవ్రతరం అవుతున్నాయి. ఇప్పటికే డీఎస్సీ నిర్వహణ, ఉద్యోగాల కేటాయింపులపై రాష్ట్రవ్యాప్తంగా ఆందోళనలు కొనసాగుతున్న నేపథ్యంలో, తాజాగా ఉద్యోగం ఇప్పిస్తామంటూ రూ.14.5 లక్షలు వసూలు చేసి మోసం చేశారన్న ఆరోపణలు వెలుగులోకి వచ్చాయి.
డీఎస్సీ బాధితురాలు(DSC Victim) రాధిక(Radhika) ఈ విషయాన్ని వైఎస్సార్సీపీ(YSRCP) అధినేత, మాజీ ముఖ్యమంత్రి వైఎస్ జగన్మోహన్రెడ్డి(YS Jagan Mohan Reddy) దృష్టికి తీసుకెళ్లారు. స్పోర్ట్స్ కోటాలో(Sports Quota) డీఎస్సీ ఉద్యోగం ఇప్పిస్తామంటూ తన నుంచి రూ.14.5 లక్షలు తీసుకున్నారని ఆమె ఆరోపించారు.
మంత్రి లోకేష్ (Minister Lokesh) కోటాలో ఉద్యోగం ఇప్పిస్తామని తనను నమ్మించారని రాధిక ఆవేదన వ్యక్తం చేశారు. పరీక్ష రాయకుండానే డీఎస్సీ ఉద్యోగం వస్తుందని చెప్పి టీడీపీ కార్యకర్తలుగా పేర్కొన్న మెడికొండ జ్యోతి(Medikonda Jyothi), అడపా భాను ప్రకాష్లు(Adapa Bhanu Prakash) తన నుంచి డబ్బులు తీసుకున్నారని ఆరోపించారు. అయితే, తనకు ఇవ్వాల్సిన ఉద్యోగాన్ని మరొకరికి కేటాయించి తనను మోసం చేశారని తెలిపారు. ఆ ఉద్యోగం పొందిన వ్యక్తి వద్ద నుంచి కూడా డబ్బులు వసూలు చేశారని ఆమె ఆరోపించారు.
ఈ వ్యవహారంపై పోలీసులకు ఫిర్యాదు చేసినప్పటికీ పది నెలలు గడిచినా ఎలాంటి చర్యలు తీసుకోలేదని రాధిక వాపోయారు. తనను చంపేస్తామని కొందరు టీడీపీ(TDP) నేతలు బెదిరిస్తున్నారని కూడా ఆమె ఆరోపించారు.
ఎస్పీ కార్యాలయానికి ఫిర్యాదు చేసినా స్పందన లేదని, స్కూల్ అసిస్టెంట్ సోషల్ పోస్టు ఇప్పిస్తామని మోసం చేశారని ఆమె తెలిపారు. తన వద్ద ఆధారాలు ఉన్నప్పటికీ నిందితులపై చర్యలు తీసుకోలేదని ఆరోపించారు. తనకు జరిగిన మోసం గురించి వైఎస్ జగన్మోహన్రెడ్డికి(YS Jagan Mohan Reddy) వివరించినట్లు రాధిక పేర్కొన్నారు.
ఇప్పటికే డీఎస్సీ ఉద్యోగాల అమ్మకాలపై ఆడియోలు బయటపడి రాజకీయంగా దుమారం రేపుతున్న సమయంలో, తాజాగా బాధితురాలు స్వయంగా బయటకు వచ్చి తనకు జరిగిన మోసాన్ని వెల్లడించడం మరింత చర్చనీయాంశంగా మారింది.
ఈ ఆరోపణల నేపథ్యంలో కూటమి ప్రభుత్వం నిర్వహించిన డీఎస్సీలో అసలు ఎన్ని అవకతవకలు జరిగాయనే ప్రశ్నలు వినిపిస్తున్నాయి. ఆరోపణలపై సమగ్ర విచారణ జరిపి నిజానిజాలు బయటపెట్టాలని పలువురు డిమాండ్ చేస్తున్నారు. కళ్లకు కనిపిస్తున్నట్లుగా ఆరోపణలు వస్తున్నప్పటికీ ప్రభుత్వం సీబీఐ విచారణకు(CBI Investigation) ఎందుకు ముందుకు రావడం లేదని విమర్శకులు ప్రశ్నిస్తున్నారు.
