రేవంత్ రెడ్డి.. ఇదేనా మీరు చెప్పే అంతర్జాతీయ ప్రమాణాలు..స్కూల్ యూనిఫారాలపై హరీశ్ రావు ఫైర్..!

తెలంగాణలో(Telangana) ప్రభుత్వ పాఠశాల (Government School) విద్యార్థులకు (Students) నాణ్యమైన (Quality) స్కూల్ యూనిఫారాలు (School Uniforms) అందించడంలో కాంగ్రెస్ ప్రభుత్వం (Congress Government) విఫలమైందని మాజీ మంత్రి, బీఆర్ఎస్(BRS) నేత హరీశ్ రావు (Harish Rao) విమర్శించారు. విద్యార్థులకు పంపిణీ చేసిన యూనిఫారాలు కొద్ది రోజులకే చినిగిపోతున్నాయని(Tearing), కొన్ని ప్రాంతాల్లో విద్యార్థుల కొలతలకు సరిపోని దుస్తులు (Clothes) అందించారని ఆరోపించారు.

ప్రపంచ స్థాయి విద్యా వ్యవస్థను (Education System) తీసుకొస్తామని చెబుతున్న రేవంత్ రెడ్డి ప్రభుత్వం(Revanth Reddy Government).. ప్రభుత్వ పాఠశాల విద్యార్థులకు కనీసం నాణ్యమైన యూనిఫారాలు కూడా అందించలేని పరిస్థితిలో ఉందా అని హరీశ్ రావు ప్రశ్నించారు. విద్యార్థులకు పంపిణీ చేస్తున్న యూనిఫారాల నాణ్యతను చూస్తే.. ఇదేనా మీరు చెప్పే అంతర్జాతీయ ప్రమాణాలు (International Standards) రేవంత్ రెడ్డి అని నిలదీశారు.

రాష్ట్రంలోని కొన్ని ప్రాంతాల్లో విద్యార్థులకు యూనిఫారాలు పూర్తిగా అందలేదని హరీశ్ రావు ఆరోపించారు. అందిన చోట్ల కూడా సరైన కొలతలు లేకపోవడంతో విద్యార్థులు ఇబ్బందులు పడుతున్నారని పేర్కొన్నారు. యూనిఫారాల కుట్లు ఊడిపోతున్నాయని, ఉతికిన తర్వాత రంగులు వెలిసిపోతున్నాయని విమర్శించారు. విద్యార్థులకు రెండు జతల యూనిఫారాలు ఇవ్వాల్సి ఉండగా.. చాలా ప్రాంతాల్లో ఒక్క జత కూడా పూర్తిగా అందలేదని ఆరోపించారు.

తెలంగాణ చేనేత కార్మికులకు (Telangana Handloom Workers) ఉపాధి కల్పించేలా స్థానికంగా యూనిఫారాల తయారీకి ప్రభుత్వం ప్రాధాన్యత ఇవ్వాలని హరీశ్ రావు అన్నారు. అయితే కమీషన్ల కోసం పెద్ద కార్పొరేట్ సంస్థల నుంచి నాసిరకం యూనిఫారాలు తెప్పించి విద్యార్థులకు, చేనేత కార్మికులకు అన్యాయం చేస్తున్నారని ఆరోపించారు. రేవంత్ రెడ్డికి గుజరాత్ దళారులపై ఉన్న ప్రేమ తెలంగాణ చేనేత కార్మికులపై ఎందుకు లేదని ప్రశ్నించారు.

“మఫత్‌లాల్ ముద్దు(Mafatlal Preferred).. చేనేత వద్దు(No Handloom)” అన్నదే ప్రభుత్వ విధానంగా మారిందా అని హరీశ్ రావు నిలదీశారు. ఒకవైపు చేనేత కార్మికుల ఉపాధికి గండి పడుతుంటే.. మరోవైపు విద్యార్థులకు నాసిరకం యూనిఫారాలు అందుతున్నాయని అన్నారు. దీనివల్ల విద్యార్థులు ఇబ్బందులు ఎదుర్కొంటుండగా, చేనేత కార్మికులు ఉపాధి కోల్పోతున్నారని పేర్కొన్నారు.

ప్రభుత్వ పాఠశాల విద్యార్థులకు పంపిణీ చేసిన యూనిఫారాల నాణ్యతపై ప్రభుత్వం వెంటనే సమగ్ర విచారణ చేపట్టి బాధ్యులపై చర్యలు తీసుకోవాలని హరీశ్ రావు డిమాండ్ చేశారు.