హైదరాబాద్ (Hyderabad) నగరంలోని అల్వాల్ పోలీస్ స్టేషన్ (Alwal Police Station) పరిధిలో మైనర్ బాలికపై(Minor Girl) జరిగిన సామూహిక లైంగిక దాడి (Gang Rape) ఘటన తీవ్ర కలకలం రేపుతోంది. విక్కీ అనే యువకుడితో పాటు మొత్తం 9 మంది యువకులు మూడు రోజులపాటు బాలికను వివిధ ప్రాంతాలకు తీసుకెళ్లి లైంగిక దాడికి పాల్పడినట్లు పోలీసుల దర్యాప్తులో వెల్లడైంది.
పోలీసుల దర్యాప్తు(Police Investigation) వివరాల ప్రకారం.. ఈ నెల 8వ తేదీన విక్కీ(Vicky) అనే యువకుడు మైనర్ బాలికకు మత్తు పదార్థం (Narcotic Substance) ఇచ్చి ఆమెను అపహరించినట్లు తెలుస్తోంది. అనంతరం బాలికను గుండ్లపోచంపల్లిలోని(Gundlapochampally) ఒక హోటల్‌కు (Hotel) తీసుకెళ్లాడు. అక్కడ బాలికకు గంజాయి (Ganja) తాగించి విక్కీతో పాటు మరో ముగ్గురు కలిసి లైంగిక దాడికి పాల్పడినట్లు పోలీసులు గుర్తించారు.
ఆ తర్వాత 9వ తేదీన బాలికను షామీర్‌పేటలోని నిర్మాణంలో ఉన్న ఒక అపార్ట్‌మెంట్‌కు(Under-Construction Apartment) తరలించినట్లు సమాచారం. అక్కడ విక్కీతో పాటు మరో ఇద్దరు బాలికపై లైంగిక దాడికి పాల్పడినట్లు దర్యాప్తులో తేలింది.
10వ తేదీన బాలికను మేడ్చల్‌లో ఆగి ఉన్న రైలులోకి(Train) తీసుకెళ్లినట్లు పోలీసులు తెలిపారు. అక్కడ విక్కీతో పాటు మరో ఇద్దరు బాలికపై లైంగిక దాడికి పాల్పడినట్లు వెల్లడించారు.
ఇలా 3 రోజులపాటు బాలికను 3 వేర్వేరు ప్రాంతాలకు తరలిస్తూ, మత్తు పదార్థాలు ఇస్తూ మొత్తం 9 మంది లైంగిక దాడికి పాల్పడినట్లు పోలీసులు గుర్తించారు.
బాలిక పరిస్థితిని గమనించిన కుటుంబ సభ్యులు (Family Members) పోలీసులకు ఫిర్యాదు చేయడంతో అల్వాల్ పోలీసులు వెంటనే దర్యాప్తు ప్రారంభించారు. ఈ ఘటనకు సంబంధించి 9 మంది నిందితులపై పోక్సో చట్టంతో పాటు పలు తీవ్రమైన సెక్షన్ల కింద కేసులు నమోదు చేశారు. పలువురు నిందితులను పోలీసులు అరెస్ట్ చేశారు.
ఈ కేసులో మరో 4 మంది నిందితులు పరారీలో ఉన్నట్లు పోలీసులు తెలిపారు. వారిని పట్టుకునేందుకు బేగంపేట ఏసీపీ (Begumpet ACP) ఆధ్వర్యంలో ప్రత్యేక పోలీసు బృందాలను ఏర్పాటు చేసి గాలింపు చర్యలు చేపట్టారు.
మరోవైపు బాలికను హోటల్‌లోకి అనుమతించి, సరైన వివరాలు నమోదు చేయకుండా గది కేటాయించినందుకు గుండ్లపోచంపల్లిలోని సంబంధిత హోటల్ నిర్వాహకులపై కూడా పోలీసులు చర్యలు తీసుకున్నారు. హోటల్ నిర్వాహకులను అరెస్ట్ చేసి రిమాండ్‌కు తరలించినట్లు పోలీసులు తెలిపారు.
