‘కాకా’లో అసలు క్యారెక్టర్ పేరు లీక్ చేసిన చిరంజీవి.. అభిమానుల్లో భారీ ఆసక్తి!

September 20, 2026

---Advertisement---

మెగాస్టార్ చిరంజీవి (Megastar Chiranjeevi), దర్శకుడు బాబీ కొల్లి (Director Bobby Kolli) కాంబినేషన్‌లో తెరకెక్కుతున్న భారీ చిత్రం ‘కాకా’(KAAKA). ‘వాల్తేరు వీరయ్య’ తర్వాత వీరిద్దరి కలయికలో వస్తున్న ఈ సినిమాపై భారీ అంచనాలు నెలకొన్నాయి.

తాజాగా చిరంజీవి తన పాత్ర పేరు కదిరి కాళిదాస్ (Kadiri Kalidas) అని వెల్లడించినట్లు తెలుస్తోంది. ఇందులో ఆయన సత్యం అనే సాధారణ ఆక్వా ఫ్యాక్టరీ పర్యవేక్షకుడిగా (Aqua Factory Supervisor) కనిపించనుండగా, అతడి అసలు వ్యక్తిత్వం కదిరి కాళిదాస్ అనే అండర్‌వరల్డ్ డాన్‌గా (Underworld Don) ఉండనుందని సమాచారం.

తన గతాన్ని దాచుకుని సత్యంగా జీవించడానికి కారణమేంటి? కదిరి కాళిదాస్ సాధారణ జీవితాన్ని ఎందుకు ఎంచుకున్నాడు? అనే అంశాలు కథలో కీలకంగా మారనున్నాయని ప్రచారం జరుగుతోంది. యాక్షన్‌తో పాటు తండ్రీకూతుళ్ల అనుబంధానికి కూడా సినిమాలో ప్రాధాన్యం ఉండనుంది.

మలయాళ నటి అనస్వర రాజన్ (Anaswara Rajan) చిరంజీవి కుమార్తె అమ్ములు పాత్రలో కనిపించనుంది. వైద్య విద్య అభ్యసించే తన కుమార్తె కోసం జీవితాన్ని అంకితం చేసే తండ్రిగా చిరంజీవి కనిపించనున్నారని తెలుస్తోంది.

కేవీఎన్ ప్రొడక్షన్స్ (KVN Productions) నిర్మిస్తున్న ఈ చిత్రం ప్రస్తుతం శరవేగంగా చిత్రీకరణ జరుపుకుంటోంది. 2027 సంక్రాంతి సందర్భంగా జనవరి 13న ప్రపంచవ్యాప్తంగా విడుదల చేసేందుకు చిత్రబృందం సన్నాహాలు చేస్తోంది.