మాజీ మంత్రి కొండా సురేఖ (Konda Surekha) మాజీ ఓఎస్డీ (Former OSD) సుమంత్పై (Sumanth) హైదరాబాద్లో (Hyderabad) హత్యాయత్నం కేసు (Attempt to Murder Case) నమోదైంది. బోడుప్పల్కు చెందిన రియల్ ఎస్టేట్ వ్యాపారి (Real Estate Businessman) గోంగిడి హరికృష్ణపై (Gongidi Harikrishna) సుమంత్ మరో ఐదుగురితో కలిసి ఇనుప రాడ్లు, కర్రలతో దాడి చేసినట్లు పోలీసులకు ఫిర్యాదు అందింది. ఈ ఘటనపై మేడిపల్లి పోలీసులు జీరో ఎఫ్ఐఆర్ నమోదు చేసి, కేసును జూబ్లీహిల్స్ పోలీస్ స్టేషన్కు బదిలీ చేశారు.
హరికృష్ణను కలవాలని సుమంత్ గతంలో ఫోన్ చేసినట్లు పోలీసులు తెలిపారు. అయితే తాను అందుబాటులో లేనని హరికృష్ణ చెప్పడంతో తర్వాత కలుస్తానని తెలిపినట్లు సమాచారం. అనంతరం హరికృష్ణ తన స్నేహితుడు రాము (Ramu) కార్యాలయానికి వెళ్లగా అక్కడ సుమంత్ను కలిశారు. తన పేరు చెప్పుకుని బయట డబ్బులు వసూలు చేస్తున్నావంటూ సుమంత్ ప్రశ్నించినట్లు హరికృష్ణ తన ఫిర్యాదులో పేర్కొన్నారు.
తాను ఎలాంటి డబ్బులు వసూలు చేయలేదని హరికృష్ణ చెప్పినా సుమంత్ వినలేదని ఆరోపించారు. దుర్భాషలాడుతూ ఇనుప రాడ్డుతో తన కాళ్లు, చేతులపై దాడి చేసినట్లు తెలిపారు. అనంతరం సుమంత్ (Sumanth) తన అనుచరులను ఉసిగొల్పి తనపై దాడి చేయించారని, ఈ విషయం బయటకు చెబితే చంపేస్తామని బెదిరించినట్లు ఫిర్యాదులో పేర్కొన్నారు.
దాడిలో హరికృష్ణ ఎడమ చేతికి ఫ్రాక్చర్ అయినట్లు తెలిపారు. తీవ్ర రక్తస్రావంతో పాటు రక్తపు వాంతులు కూడా అయినట్లు ఫిర్యాదులో పేర్కొన్నారు. ఘటనపై సమాచారం అందుకున్న పోలీసులు హరికృష్ణను జూబ్లీహిల్స్ పోలీస్ స్టేషన్కు తరలించారు. అక్కడి నుంచి చికిత్స కోసం తొలుత గాంధీ ఆసుపత్రికి వెళ్లగా, అనంతరం చంగిచెర్ల, ఉప్పల్లోని శ్రీ హెల్త్ కేర్ ఆసుపత్రుల్లో చికిత్స పొందినట్లు తెలిపారు.
దాడి తీవ్రత కారణంగా ఆగస్టు 10న తనకు శస్త్రచికిత్స జరిగినట్లు హరికృష్ణ వెల్లడించారు. నిందితుల నుంచి ప్రాణహాని ఉందనే భయంతో పాటు ఆసుపత్రిలో చికిత్స పొందుతున్న కారణంగా పోలీసులకు ఫిర్యాదు చేయడంలో ఆలస్యమైనట్లు తెలిపారు.
తనను హత్య చేయాలనే ఉద్దేశంతోనే దాడి చేశారని హరికృష్ణ ఇచ్చిన ఫిర్యాదు మేరకు మేడిపల్లి పోలీసులు బీఎన్ఎస్ సెక్షన్లు 109, 3(5) కింద జీరో ఎఫ్ఐఆర్ నమోదు చేశారు. ఈ కేసులో సుమంత్తో పాటు ప్రశాంత్, అరుణ్ కుమార్ రెడ్డి, కార్తీక్, మహేందర్ రెడ్డి, రాము తదితరులపై ఆరోపణలు ఉన్నాయి.
ఘటన జరిగిన ప్రాంతం జూబ్లీహిల్స్ పోలీస్ స్టేషన్ పరిధిలోకి రావడంతో కేసు దర్యాప్తును అక్కడి పోలీసులు చేపట్టారు. ఫిర్యాదులో పేర్కొన్న ఆరోపణలపై ఆధారాలను సేకరిస్తూ జూబ్లీహిల్స్ పోలీసులు దర్యాప్తు కొనసాగిస్తున్నారు.
