మ్యూజిక్ డైరెక్టర్గా టాలీవుడ్లో తనదైన ముద్ర వేసిన ఎస్.ఎస్. తమన్ (S. S. Thaman) ఇప్పుడు మరోసారి నటుడిగా ప్రేక్షకుల ముందుకు రాబోతున్నారు. దర్శకుడు శంకర్ (Shankar) తెరకెక్కించిన సూపర్ హిట్ చిత్రం ‘బాయ్స్’లో(Boys) నటించిన తర్వాత దాదాపు 20 ఏళ్ల విరామం అనంతరం ఆయన మళ్లీ కెమెరా ముందుకు రావడం సినీ అభిమానుల్లో ఆసక్తిని పెంచుతోంది. ఈసారి ఆయన కీలక పాత్రలో కనిపించనున్న చిత్రం ‘ఇదయం మురళి’(Idhayam Murali). ఈ సినిమాను తెలుగులో ‘హృదయం మురళి’ పేరుతో జూలై 10న విడుదల చేయనున్నారు.
యంగ్ హీరో అథర్వ మురళి (Atharvaa Murali) ప్రధాన పాత్రలో నటిస్తున్న ఈ చిత్రానికి ఆకాశ్ భాస్కరన్ (Akash Bhaskaran) దర్శకత్వం వహించారు. తాజాగా విడుదలైన ట్రైలర్ సినిమాపై మంచి అంచనాలను పెంచుతోంది. ట్రైలర్ను పరిశీలిస్తే ప్రేమ, భావోద్వేగాలు, సంగీతానికి పెద్దపీట వేసిన ఓ అందమైన రొమాంటిక్ మ్యూజికల్ ఎంటర్టైనర్గా ఈ చిత్రాన్ని రూపొందించినట్లు స్పష్టంగా కనిపిస్తోంది.
ఈ సినిమాకు మరో ప్రత్యేక ఆకర్షణ ఎస్.ఎస్. తమనే సంగీతం అందించడం. నటుడిగా తెరపై కనిపిస్తూనే సంగీత దర్శకుడిగానూ తన ముద్ర వేయబోతున్నారు. ట్రైలర్లో వినిపించిన నేపథ్య సంగీతం, ఆకట్టుకునే విజువల్స్, అథర్వ మురళి స్క్రీన్ ప్రెజెన్స్ ప్రేక్షకులను ఆకర్షించేలా ఉన్నాయి. ముఖ్యంగా భావోద్వేగ సన్నివేశాలకు తమన్ అందించిన బ్యాక్గ్రౌండ్ స్కోర్ సినిమాపై మరింత ఆసక్తిని పెంచుతోంది.
ఈ క్రేజీ మ్యూజికల్ చిత్రాన్ని టాలీవుడ్ ప్రముఖ నిర్మాణ సంస్థ మైత్రీ మూవీ మేకర్స్ (Mythri Movie Makers) తెలుగులో విడుదల చేస్తుండటం మరో విశేషం. భారీ స్థాయిలో ప్రేక్షకుల ముందుకు తీసుకురావడానికి సంస్థ ప్రత్యేకంగా ప్రచార కార్యక్రమాలు నిర్వహిస్తున్నట్లు సినీ వర్గాలు చెబుతున్నాయి. దీంతో తెలుగు రాష్ట్రాల్లో కూడా ఈ సినిమాపై మంచి బజ్ ఏర్పడింది.
చిత్రంలో హీరోయిన్గా ఇటీవల వరుస విజయాలతో గుర్తింపు తెచ్చుకున్న ప్రీతి ముకుందన్ నటిస్తున్నారు. అలాగే కయాదు లోహర్, ఫహాద్ ఫాజిల్, నిహారిక కీలక పాత్రల్లో కనిపించనున్నారు. ప్రేమ, సంగీతం, భావోద్వేగాలు కలిసిన ఈ చిత్రం జూలై 10న ప్రేక్షకులను ఎంతవరకు మెప్పిస్తుందో చూడాల్సి ఉంది.
