శ్రీలంకతో (Sri Lanka) జరిగిన తొలి టెస్టులో(First Test) భారత క్రికెట్ జట్టు (Indian Cricket Team) 165 పరుగుల తేడాతో ఘన విజయం సాధించింది. చారిత్రాత్మక గాలే ఇంటర్నేషనల్ స్టేడియంలో (Galle International Stadium) జరిగిన ఈ మ్యాచ్లో భారత్ ఆల్రౌండ్ ప్రదర్శనతో (All-round Performance) అదరగొట్టి ఆతిథ్య జట్టును పూర్తిగా ఒత్తిడిలోకి నెట్టింది.
తొలి ఇన్నింగ్స్లో భారత్ 462 పరుగుల భారీ స్కోరు సాధించి మ్యాచ్పై పట్టు సాధించింది. వికెట్ కీపర్ బ్యాటర్ రిషభ్ పంత్ (Rishabh Pant) తనదైన దూకుడైన ఆటతో మ్యాచ్ను మలుపు తిప్పాడు. దేవ్దత్ పడిక్కల్(Devdutt Padikkal), ధ్రువ్ జురెల్ (Dhruv Jurel) కూడా కీలక పరుగులు సాధించి జట్టు భారీ స్కోరు చేయడంలో తమ వంతు పాత్ర పోషించారు. మరోవైపు శ్రీలంక తొలి ఇన్నింగ్స్లో 284 పరుగులకే ఆలౌటైంది.
అనంతరం రెండో ఇన్నింగ్స్లో భారత్ 193 పరుగులకు కుప్పకూలింది. దీంతో శ్రీలంక ముందు 372 పరుగుల భారీ లక్ష్యం నిలిచింది. ఈ లక్ష్యాన్ని ఛేదించే క్రమంలో లంక బ్యాటర్లు భారత బౌలర్ల ముందు నిలబడలేకపోయారు.
రెండో ఇన్నింగ్స్లో శ్రీలంక 206 పరుగులకే ఆలౌటై 165 పరుగుల తేడాతో ఓటమిపాలైంది. భారత స్పిన్నర్లు రవీంద్ర జడేజా, మానవ్ సుతార్ అద్భుతమైన బౌలింగ్తో లంక బ్యాటింగ్ లైనప్ను కుప్పకూల్చారు. ముఖ్యంగా మానవ్ సుతార్ 77.4వ ఓవర్లో కేశర నువంతను 20 పరుగుల వద్ద క్లీన్ బౌల్డ్ చేయడంతో శ్రీలంక ఇన్నింగ్స్కు తెరపడింది.
అద్భుతమైన బౌలింగ్ ప్రదర్శనతో జడేజా, సుతార్ జోడీ (Jadeja-Suthar Pair) భారత్ విజయానికి కీలకంగా నిలిచింది. ఈ విజయంతో భారత జట్టు టెస్టు సిరీస్ను ఘనంగా ప్రారంభించింది.
