ప్రపంచ ఫుట్బాల్ దిగ్గజం(Football legend), అర్జెంటీనా స్టార్ ఆటగాడు లియోనెల్ మెస్సీ(Lionel Messi) కుటుంబంలో తీవ్ర విషాదం నెలకొంది. మెస్సీ తండ్రి(Messi’s Father) జార్జ్ మెస్సీ(Jorge Messi) 68 కన్నుమూశారు(Passed Away). గత కొంతకాలంగా అనారోగ్య సమస్యలతో బాధపడుతున్న ఆయన అర్జెంటీనాలోని(Argentina) రోసారియో నగరంలోని (Rosario City) ఆసుపత్రిలో చికిత్స పొందుతూ తుదిశ్వాస విడిచినట్లు అర్జెంటీనా మీడియా వర్గాలు వెల్లడించాయి.
లియోనెల్ మెస్సీ ఫుట్బాల్ ప్రపంచంలో అత్యున్నత స్థాయికి ఎదగడంలో జార్జ్ మెస్సీ కీలక పాత్ర పోషించారు. మెస్సీ చిన్నతనంలో అర్జెంటీనా నుంచి బార్సిలోనాకు(Barcelona) వెళ్లినప్పటి నుంచి ఆయన కెరీర్లో తండ్రి అండగా నిలిచారు. ప్రొఫెషనల్ కెరీర్కు (Professional Career) సంబంధించిన నిర్ణయాలు, ఒప్పందాలు, ఆర్థిక వ్యవహారాలు సహా అనేక విషయాల్లో జార్జ్ మెస్సీ మార్గదర్శిగా వ్యవహరించారు.
గత కొద్ది నెలలుగా అనారోగ్యంతో..
జార్జ్ మెస్సీ ఆరోగ్య పరిస్థితిపై గతంలోనూ పలు వార్తలు వెలువడ్డాయి. అయితే మెస్సీ కుటుంబం ఆయన వైద్యుల పర్యవేక్షణలో చికిత్స పొందుతున్నారని, ఆరోగ్యం క్రమంగా మెరుగుపడుతోందని అప్పట్లో వెల్లడించింది. అయినప్పటికీ ఆయన ఆరోగ్యం పూర్తిగా కోలుకోకపోవడంతో తాజాగా కన్నుమూశారు.
తండ్రి మరణంతో లియోనెల్ మెస్సీ తీవ్ర విషాదంలో మునిగిపోయారు. మెస్సీ కుటుంబానికి(Messi’s Family) జార్జ్ మెస్సీ ఎప్పుడూ అండగా నిలిచారు. తన కుమారుడి ఫుట్బాల్ ప్రయాణంలో కీలక భాగస్వామిగా ఉన్న ఆయన మృతి పట్ల ఫుట్బాల్ ప్రపంచం తీవ్ర దిగ్భ్రాంతి వ్యక్తం చేస్తోంది. ప్రపంచవ్యాప్తంగా ఉన్న మెస్సీ అభిమానులు ఆయన కుటుంబానికి సంతాపం తెలియజేస్తున్నారు.
