భారత స్టార్ వెయిట్‌లిఫ్టర్ (Weightlifter), టోక్యో ఒలింపిక్ రజత పతక విజేత (Tokyo Olympic Silver Medalist) మీరాబాయి చాను (Mirabai Chanu) ఆసియా క్రీడల్లో సరికొత్త చరిత్ర సృష్టించారు. బుధవారం జరిగిన మహిళల 49 కేజీల విభాగంలో(Women’s 49kg Category) అద్భుత ప్రదర్శన కనబరిచిన ఆమె రజత పతకాన్ని సొంతం చేసుకున్నారు.
మీరాబాయి చాను స్నాచ్‌లో 88 కేజీలు, క్లీన్ అండ్ జెర్క్‌లో 111 కేజీలు ఎత్తారు. దీంతో మొత్తం 198 కేజీల బరువును ఎత్తి రెండో స్థానంలో నిలిచారు. ఈ విజయంతో ఆసియా క్రీడల వెయిట్‌లిఫ్టింగ్‌లో భారత్ 28 ఏళ్లుగా ఎదురుచూస్తున్న పతకాల నిరీక్షణకు తెరపడింది.
1998 ఆసియా క్రీడల్లో దిగ్గజ వెయిట్‌లిఫ్టర్ కర్ణం మల్లేశ్వరి (Karnam Malleswari) కాంస్య పతకం సాధించారు. ఆ తర్వాత ఆసియా క్రీడల వెయిట్‌లిఫ్టింగ్‌లో భారత్‌కు మరో పతకం దక్కలేదు. దాదాపు 28 ఏళ్ల తర్వాత మీరాబాయి చాను రజత పతకం సాధించడం విశేషంగా నిలిచింది.
ఈ రజతంతో మీరాబాయి చాను ఖాతాలో ఒలింపిక్ రజత పతకంతో పాటు ప్రపంచ ఛాంపియన్‌షిప్‌లలో 3 పతకాలు, అందులో ఒక స్వర్ణ పతకం, పలు కామన్వెల్త్ క్రీడల టైటిళ్లు, ఆసియా ఛాంపియన్‌షిప్ కాంస్య పతకం, ఆసియా క్రీడల రజత పతకం చేరాయి.
మహిళల 49 కేజీల విభాగంలో ఉత్తర కొరియాకు చెందిన రెండుసార్లు ప్రపంచ ఛాంపియన్ రీ సాంగ్ గుమ్ స్వర్ణ పతకం సాధించారు. ఆమె స్నాచ్‌లో 94 కేజీలు, క్లీన్ అండ్ జెర్క్‌లో 121 కేజీలు కలిపి మొత్తం 215 కేజీలు ఎత్తారు. ఈ విజయంతో ఆసియా క్రీడల్లో వరుసగా 3వ సారి టైటిల్‌ను సొంతం చేసుకున్నారు.
ఆసియా క్రీడల్లో దేశానికి పతకం అందించిన మీరాబాయి చాను విజయంపై దేశవ్యాప్తంగా క్రీడా ప్రముఖులు, అభిమానులు హర్షం వ్యక్తం చేస్తూ ఆమెకు అభినందనలు తెలుపుతున్నారు.
