మెగా అభిమానులు ఎంతో ఆసక్తిగా ఎదురుచూస్తున్న రామ్ చరణ్ తాజా చిత్రం ‘పెద్ది’పై (Peddi) ఎట్టకేలకు మేకర్స్ సూపర్ గుడ్ న్యూస్ చెప్పారు. బుచ్చిబాబు సానా (Buchi Babu Sana) దర్శకత్వంలో తెరకెక్కుతున్న ఈ రూరల్ యాక్షన్ డ్రామా షూటింగ్ పూర్తి కావడంతో పాటు రిలీజ్ డేట్ను (Release Date) కూడా అధికారికంగా ప్రకటించారు. ఈ భారీ చిత్రాన్ని 4th June 2026 ప్రపంచవ్యాప్తంగా గ్రాండ్గా విడుదల చేయనున్నట్లు వెల్లడించారు.
రామ్ చరణ్ (Ram Charan) అభిమానుల్లో ఈ ప్రకటనతో కొత్త ఉత్సాహం నెలకొంది. ముఖ్యంగా సమ్మర్ హాలిడేస్ ముగింపు దశలో సినిమా విడుదల చేయడం వల్ల కుటుంబ ప్రేక్షకులు, యువత నుంచి మంచి స్పందన వస్తుందని ట్రేడ్ వర్గాలు అంచనా వేస్తున్నాయి. బాక్సాఫీస్ వద్ద కూడా ఈ డేట్ బాగా కలిసొస్తుందని భావిస్తున్నారు.
ఇక ఇటీవల హైదరాబాద్లో (Hyderabad) వేసిన భారీ సెట్లో చిత్ర బృందం ఓ స్పెషల్ సాంగ్ (Special Song) షూటింగ్ పూర్తి చేసింది. ఈ పాట సినిమాలో ప్రధాన ఆకర్షణగా నిలుస్తుందని సమాచారం. భారీ బడ్జెట్తో రూపొందించిన ఈ సాంగ్లో రామ్ చరణ్ స్టైలిష్ లుక్, మాస్ స్టెప్స్ అభిమానులకు ఫుల్ ట్రీట్ ఇవ్వనున్నాయని టాక్ వినిపిస్తోంది.
షూటింగ్ మొత్తం పూర్తవడంతో ఇప్పుడు పోస్ట్ ప్రొడక్షన్ పనులు శరవేగంగా సాగుతున్నాయి. ఎడిటింగ్, డబ్బింగ్, బ్యాక్గ్రౌండ్ స్కోర్, విజువల్ వర్క్స్ అన్నీ సమాంతరంగా జరుగుతున్నాయని తెలుస్తోంది. అందుకే ముందుగానే రిలీజ్ డేట్ లాక్ చేసినట్లు సినీ వర్గాలు చెబుతున్నాయి.
ఈ చిత్రంలో బాలీవుడ్ బ్యూటీ జాన్వీ కపూర్ (Janhvi Kapoor) హీరోయిన్గా నటిస్తోంది. రామ్ చరణ్తో ఆమె జోడీ ఎలా ఉండబోతుందనే ఆసక్తి కూడా ప్రేక్షకుల్లో కనిపిస్తోంది. మైత్రి మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాస్ బ్యానర్పై వెంకట సతీష్ కిలారు అత్యంత ప్రతిష్టాత్మకంగా ఈ చిత్రాన్ని నిర్మిస్తున్నారు.
మొత్తానికి ‘పెద్ది’ అనౌన్స్మెంట్తో మెగా అభిమానుల్లో సంబరాలు మొదలయ్యాయి. పోస్టర్లో రామ్ చరణ్ మాస్ లుక్, రిలీజ్ డేట్ క్లారిటీతో సోషల్ మీడియాలో ఇప్పుడు ‘పెద్ది’ హవా మొదలైంది.
