సూపర్ స్టార్ రజనీకాంత్(Rajinikanth), లోకనాయకుడు కమల్ హాసన్ (Kamal Haasan) కలిసి నటిస్తున్న భారీ మల్టీస్టారర్ ఇప్పటికే దేశవ్యాప్తంగా సంచలనం సృష్టిస్తోంది. ఇద్దరు దిగ్గజాలు ఒకే ఫ్రేమ్లో కనిపించబోతుండటంతో అభిమానుల్లో అంచనాలు తారాస్థాయికి చేరాయి. తాజాగా ఈ ప్రాజెక్ట్కు సంబంధించిన మరో ఆసక్తికరమైన వార్త కోలీవుడ్ వర్గాల్లో హాట్ టాపిక్గా మారింది.
త్రిష కూడా సినిమాలో భాగమా?
సౌత్ స్టార్ హీరోయిన్ త్రిష (Trisha) ఈ క్రేజీ ప్రాజెక్ట్లో కీలక పాత్రలో కనిపించనున్నట్లు ఫిలిం సర్కిల్స్లో ప్రచారం జోరుగా సాగుతోంది. ‘96’ సినిమా తర్వాత రెండో ఇన్నింగ్స్లో వరుస విజయాలతో దూసుకుపోతున్న త్రిష ప్రస్తుతం భారీ చిత్రాలతో ఫుల్ బిజీగా ఉన్నారు.
ఇప్పటికే రజనీ-కమల్ (Rajini-Kamal) కాంబినేషన్పై భారీ హైప్ ఉండగా, ఇప్పుడు త్రిష పేరు కూడా జత కావడంతో సినిమాపై ఆసక్తి మరింత పెరిగింది. అయితే ఆమె ఏ హీరో సరసన కనిపించనున్నారు? పాత్ర ఎలా ఉండబోతోంది? అనే విషయాలపై ఇంకా స్పష్టత రాలేదు.
సినిమా కథలో త్రిష పాత్రకు ప్రత్యేక ప్రాధాన్యత ఉంటుందని సమాచారం. కేవలం గ్లామర్కే పరిమితం కాకుండా కథను మలుపుతిప్పే పాత్రలో ఆమె కనిపించే అవకాశాలు ఉన్నాయని టాక్ వినిపిస్తోంది.
అనిరుధ్ సంగీతం అందిస్తారా?
ఈ భారీ చిత్రానికి అనిరుధ్ రవిచంద్రన్ (Anirudh Ravichander) సంగీతం అందించే అవకాశాలు ఉన్నాయని కోలీవుడ్ వర్గాలు చెబుతున్నాయి. ఇప్పటికే రజనీకాంత్ సినిమాలకు అనిరుధ్ ఇచ్చిన మ్యూజిక్ భారీ హిట్ కావడంతో ఈ కాంబోపై కూడా ఫ్యాన్స్లో అంచనాలు పెరుగుతున్నాయి. అయితే దీనిపై అధికారిక ప్రకటన రావాల్సి ఉంది.
