రామ్ చరణ్ (Ram Charan) హీరోగా తెరకెక్కుతున్న ‘పెద్ది’(Peddi) సినిమాపై ఇప్పటికే భారీ అంచనాలు నెలకొన్నాయి. అయితే సినిమా ప్రమోషన్లు మాత్రం ఇప్పటివరకు అభిమానులు ఊహించిన స్థాయిలో జరగలేదనే చర్చ సోషల్ మీడియాలో కనిపిస్తోంది. ఈ నేపథ్యంలో ఇప్పుడు చిత్ర బృందం భారీ సర్ప్రైజ్ ప్లాన్ చేస్తున్నట్టు ఇండస్ట్రీ వర్గాల్లో టాక్ వినిపిస్తోంది.
క్రికెట్ బ్యాక్డ్రాప్లో భారీ ఈవెంట్?
‘పెద్ది’ సినిమా క్రీడా నేపథ్యంతో(Sports Backdrop), ముఖ్యంగా క్రికెట్ అంశాలతో తెరకెక్కుతుండటంతో ప్రమోషన్లను కూడా అదే స్థాయిలో ప్లాన్ చేస్తున్నారట. తాజా సమాచారం ప్రకారం జార్ఖండ్ రాజధాని రాంచీలో ఒక భారీ ఈవెంట్ నిర్వహించేందుకు మేకర్స్ సిద్ధమవుతున్నట్టు తెలుస్తోంది.
ఈ ఈవెంట్కు భారత మాజీ కెప్టెన్ మహేంద్ర సింగ్ ధోనీని (Mahendra Singh Dhoni) ముఖ్య అతిథిగా ఆహ్వానించాలనే ఆలోచనలో చిత్ర యూనిట్ ఉన్నట్టు ప్రచారం జరుగుతోంది. ధోనీ స్వస్థలం రాంచీ కావడం, అలాగే క్రికెట్తో ఆయనకు ఉన్న అపారమైన క్రేజ్ కారణంగా ఈ ఈవెంట్ దేశవ్యాప్తంగా హాట్ టాపిక్ అయ్యే అవకాశాలు కనిపిస్తున్నాయి.
ధోనీ వస్తే నార్త్ మార్కెట్ షేక్?
ప్రస్తుతం ధోనీతో సంప్రదింపులు కొనసాగుతున్నాయని, ఇంకా అధికారికంగా ఏమీ ఖరారు కాలేదని సమాచారం. అయితే ఒకవేళ ధోనీ ఈ కార్యక్రమానికి హాజరైతే మాత్రం ‘పెద్ది’ సినిమాకు నార్త్ ఇండియాలో (North India) భారీ హైప్ రావడం ఖాయమనే అభిప్రాయం వ్యక్తమవుతోంది.
రామ్ చరణ్ మాస్ ఇమేజ్కు ధోనీ క్రేజ్ తోడైతే బాక్సాఫీస్ వద్ద రికార్డులు బద్దలయ్యే అవకాశాలు ఉన్నాయని సినీ వర్గాలు భావిస్తున్నాయి. ఇప్పుడు అభిమానులందరి చూపు ఈ క్రేజీ కాంబినేషన్ నిజమవుతుందా లేదా అన్నదానిపైనే ఉంది.
