రాకింగ్ స్టార్ యశ్ (Yash) అభిమానులకు ఊహించని షాక్ తగిలింది. జూన్ 4, 2026న గ్రాండ్గా విడుదల కావాల్సిన టాక్సిక్(Toxic): ఏ ఫెయిరీ టేల్ ఫర్ గ్రోన్ అప్స్ (A Fairy Tale for Grown Ups) సినిమా అధికారికంగా వాయిదా పడింది. ఈ విషయాన్ని యశ్ స్వయంగా సోషల్ మీడియాలో (Social Media) భావోద్వేగ లేఖ ద్వారా ప్రకటించడంతో అభిమానుల్లో నిరాశ నెలకొంది.
ఇటీవల జరిగిన సినిమాకాన్ ఈవెంట్లో (CinemaCon Event) టాక్సిక్ సినిమాకు భారీ స్పందన లభించినట్లు యశ్ వెల్లడించారు. ప్రపంచవ్యాప్తంగా ఈ సినిమాపై పెరుగుతున్న అంచనాలు, గ్లోబల్ మార్కెట్లో (Global Market) ఉన్న అవకాశాలను దృష్టిలో ఉంచుకుని విడుదల తేదీని మార్చినట్లు తెలిపారు.
ప్రపంచవ్యాప్తంగా ఒకేసారి భారీ స్థాయిలో సినిమా విడుదల చేయాలని మేకర్స్ ప్లాన్ చేస్తున్నారు. ఇందుకోసం అంతర్జాతీయ డిస్ట్రిబ్యూషన్ సంస్థలతో ఒప్పందాలు కుదుర్చుకోవడం, అన్ని దేశాల్లో సమన్వయంతో విడుదల షెడ్యూల్ సిద్ధం చేయడం కోసం మరికొంత సమయం అవసరమైందని యశ్ వివరించారు.
భారతీయ సినిమా (Indian Cinema) గ్లోబల్ స్టేజ్పై మరింత గర్వపడేలా నిలవాలని ఈ నిర్ణయం తీసుకున్నామని యశ్ పేర్కొన్నారు. ఈ ప్రాజెక్ట్ను సాధారణ సినిమాగా కాకుండా ప్రపంచస్థాయి చిత్రంగా ప్రేక్షకుల ముందుకు తీసుకురావాలనే లక్ష్యంతో ముందుకు వెళ్తున్నట్లు తెలిపారు.
సినిమా షూటింగ్ ఇప్పటికే పూర్తైందని, అవుట్పుట్పై టీమ్కు పూర్తి నమ్మకం ఉందని యశ్ స్పష్టం చేశారు. కొన్ని కథలు, కొన్ని ప్రయాణాలు ఓపికను కోరుతాయని, అభిమానులు ఎదురుచూడటానికి విలువైన సినిమానే అందిస్తామని హామీ ఇచ్చారు.
టాక్సిక్ కొత్త రిలీజ్ డేట్ను (New Release Date) త్వరలోనే అధికారికంగా ప్రకటించనున్నట్లు సమాచారం. దీంతో అభిమానుల దృష్టి ఇప్పుడు నెక్స్ట్ అనౌన్స్మెంట్పై పడింది. యశ్ నుంచి వచ్చే తదుపరి అప్డేట్ కోసం సినీ వర్గాలు కూడా ఆసక్తిగా ఎదురుచూస్తున్నాయి.
— Yash (@TheNameIsYash) April 29, 2026
