అనిల్ రావిపూడి సినిమా నుంచి కల్నల్ వెంకట్ రెడ్డిగా విక్టరీ వెంకటేష్ ఫస్ట్ లుక్ రిలీజ్…!

విక్టరీ వెంకటేష్ (Victory Venkatesh) 40 ఏళ్ల సినీ ప్రస్థానాన్ని పూర్తి చేసుకున్న సందర్భంగా ‘వెంకీ అనిల్ 5’(Venky Anil 5) చిత్ర బృందం అభిమానులకు ప్రత్యేక ట్రీట్ ఇచ్చింది. ఈ సందర్భంగా సినిమాలో వెంకటేష్ పాత్రకు సంబంధించిన ప్రత్యేక పోస్టర్‌ను తాజాగా విడుదల చేసింది.

ఈ పోస్టర్‌లో వెంకటేష్ లెఫ్టినెంట్ కల్నల్ వెంకట్ రెడ్డి (Lieutenant Colonel Venkat Reddy) పాత్రలో కనిపించనున్నట్లు చిత్రబృందం వెల్లడించింది. పవర్‌ఫుల్ లుక్‌లో వెంకటేష్ కనిపించడంతో ఈ పోస్టర్ ప్రస్తుతం సామాజిక మాధ్యమాల్లో వైరల్‌గా మారింది.

అనిల్ రావిపూడి (Anil Ravipudi) దర్శకత్వంలో విక్టరీ వెంకటేష్(Victory Venkatesh), నందమూరి కళ్యాణ్ రామ్ (Nandamuri Kalyan Ram) ప్రధాన పాత్రల్లో తెరకెక్కుతున్న ఈ సినిమాను ప్రస్తుతం ‘వెంకీ అనిల్ 5’ అనే వర్కింగ్ టైటిల్‌తో రూపొందిస్తున్నారు. వెంకటేష్, అనిల్ రావిపూడి కలయికలో వస్తున్న ఐదో సినిమా కావడంతో ఈ చిత్రంపై ఇప్పటికే భారీ అంచనాలు నెలకొన్నాయి.

వెంకటేష్ సినీ ప్రయాణంలోని 40 ఘనమైన సంవత్సరాలను గుర్తుచేస్తూ ‘40 Glorious Years of our Victory Venky’ అంటూ చిత్రబృందం ఈ ప్రత్యేక పోస్టర్‌ను అభిమానులతో పంచుకుంది. లెఫ్టినెంట్ కల్నల్ వెంకట్ రెడ్డి పాత్రలో వెంకటేష్ లుక్ చాలా స్టైలిష్‌గా, పవర్‌ఫుల్‌గా ఉండటంతో అభిమానులు ఫుల్ ఖుషీ అవుతున్నారు.

ఈ సినిమాలో వెంకటేష్, కళ్యాణ్ రామ్‌ల సరసన కీర్తి సురేష్(Keerthy Suresh), కృతి శెట్టి (Krithi Shetty) నటిస్తున్నారు. కుటుంబ కథాంశానికి యాక్షన్, కామెడీ అంశాలను జోడిస్తూ అనిల్ రావిపూడి తనదైన శైలిలో ఈ సినిమాను తెరకెక్కిస్తున్నట్లు తెలుస్తోంది.

40 Glorious Years of our Victory @VenkyMama garu in TFI 😍😍😍

It’s an absolute honour to celebrate this incredible milestone with a very special look from our film 🤗

Meet our Lt colonel VENKAT REDDY🔥#VenkyAnil5 #NKRAR2 #40YearsOfVictoryVenkatesh pic.twitter.com/WcvkXFEuox

— Anil Ravipudi (@AnilRavipudi) August 14, 2026

ఇప్పటికే ఈ చిత్రానికి సంబంధించిన మొదటి షెడ్యూల్‌ను మేకర్స్ విజయవంతంగా పూర్తి చేశారు. షైన్ స్క్రీన్స్ బ్యానర్‌పై సాహు గారపాటి ఈ చిత్రాన్ని నిర్మిస్తున్నారు. జీ స్టూడియోస్, సురేష్ ప్రొడక్షన్స్ సమర్పిస్తున్న ఈ సినిమాకు జి.వి. ప్రకాష్ కుమార్ (G.V. Prakash Kumar) సంగీతం అందిస్తున్నారు.

2027 సంక్రాంతి కానుకగా ఈ సినిమాను ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నారు. 40 ఏళ్ల సినీ ప్రయాణంలో వెంకటేష్ ఎన్నో విభిన్నమైన పాత్రల్లో కనిపించారు. ఇప్పుడు లెఫ్టినెంట్ కల్నల్ వెంకట్ రెడ్డి పాత్రలో ఆయన ఎలా కనిపించబోతున్నారు, ఆ పాత్రను దర్శకుడు ఎలా తీర్చిదిద్దారనే ఆసక్తి అభిమానుల్లో మరింత పెరిగింది.