ముఖ్యమంత్రి రేవంత్ రెడ్డికి(Revanth Reddy) రైతుల (Farmers) సంక్షేమం (Welfare) ముఖ్యమా? లేక రాజకీయాలే ముఖ్యమా? అంటూ బీఆర్ఎస్(BRS) వర్కింగ్ ప్రెసిడెంట్ కేటీఆర్(KTR) తీవ్రస్థాయిలో ప్రశ్నించారు. మేడిగడ్డ (Medigadda) వద్ద లక్షల క్యూసెక్కుల గోదావరి జలాలు వృథాగా సముద్రంలో కలుస్తుంటే, మరోవైపు నీటి కోసం రైతులు కన్నీళ్లు పెడుతున్న పరిస్థితిని ప్రభుత్వం ఎందుకు పట్టించుకోవడం లేదని నిలదీశారు. రైతులకు(Farmers) అవసరమైన నీటిని అందించకుండా నిర్లక్ష్యం వహిస్తూ కాంగ్రెస్ ప్రభుత్వం (Congress Government) కేవలం చూస్తూ కూర్చోవడం బాధాకరమన్నారు. అన్నదాతలు ఇబ్బందులు పడుతుంటే ప్రభుత్వానికి కనీస బాధ్యత కూడా లేదా అని మండిపడ్డారు.
గోదావరి జలాలను (Godavari Waters) ఎత్తిపోసి (Lifting Water) రైతుల (Farmers) కష్టాలను తీర్చే అవకాశం ఉన్నప్పటికీ, ఆ దిశగా చర్యలు తీసుకోవడం లేదని కేటీఆర్ విమర్శించారు. మాజీ ముఖ్యమంత్రి కేసీఆర్పై(KCR) రాజకీయ కక్షతో రైతులను శిక్షించడం సమంజసం కాదన్నారు. ప్రతిపక్షాలపై ఉన్న కోపాన్ని రైతులపై చూపొద్దని, వారి జీవితాలతో రాజకీయాలు చేయవద్దని ప్రభుత్వానికి సూచించారు.
ఎల్ నినో ప్రభావంతో రాష్ట్రంలో వర్షాభావ పరిస్థితులు నెలకొంటున్నాయని, తక్కువ వర్షపాతం కారణంగా రైతులు నాట్లు వేయలేక, విత్తనాలు చల్లలేక తీవ్ర ఆందోళనలో ఉన్నారని కేటీఆర్ పేర్కొన్నారు. ఇలాంటి సమయంలో ప్రభుత్వం అప్రమత్తంగా ఉండాల్సిందిపోయి నిర్లక్ష్యంగా వ్యవహరిస్తోందని విమర్శించారు. పంటలు సాగు చేసే పరిస్థితులు లేకున్నా ప్రభుత్వం స్పందించకపోవడం రైతులను మరింత కష్టాల్లోకి నెడుతోందన్నారు.
కాళేశ్వరం ప్రాజెక్టుపై (Kaleshwaram Project) ఇంకా దుష్ప్రచారాలు చేస్తూ కాలం గడపడం మానుకోవాలని కేటీఆర్ సూచించారు. కాళేశ్వరంలో సమృద్ధిగా నీరు ఉన్నప్పటికీ రైతుల పొలాలకు నీరు అందకుండా కాంగ్రెస్ ప్రభుత్వం వ్యవహరిస్తోందని ఆరోపించారు. ఎక్కడా నీటి చుక్క లేని క్లిష్ట పరిస్థితుల్లో కూడా రైతులను ఆదుకునే శక్తి కాళేశ్వరానిదేనని, ఆ ప్రాజెక్టు విలువను ప్రభుత్వం ఇప్పటికైనా గుర్తించాలని అన్నారు.
