Hyderabad Osmania University (OU) క్యాంపస్లో ఉద్రిక్త పరిస్థితులు నెలకొన్నాయి. హాస్టల్(Hostel)లో తన కుమార్తె (Daughter)ను చూడటానికి వచ్చిన ఒక తల్లిని (Mother) రాత్రి వేళ ఉండనివ్వకుండా సిబ్బంది బయటకు పంపించడంతో వివాదం చెలరేగింది. ఈ ఘటనపై ఆగ్రహించిన విద్యార్థినులు (Girl Students) రాత్రి నుంచే రోడ్డుపై బైఠాయించి నిరసన చేపట్టారు.
అసలు ఏమైంది?
గ్రామం నుంచి వచ్చిన ఆ తల్లి పనులు ముగిసేసరికి రాత్రి కావడంతో, ఆ రాత్రికి హాస్టల్లో ఉండి ఉదయం వెళ్తానని సిబ్బందిని కోరారు. అయితే హాస్టల్ యాజమాన్యం అనుమతి నిరాకరించింది. “ఇక్కడ ఉండటానికి వీల్లేదు” అంటూ ఆమెను బయటకు వెళ్లాలని సూచించినట్లు సమాచారం. తన తల్లి రాత్రి ఒంటరిగా ఎక్కడికి వెళ్తుందని విద్యార్థిని వేడుకున్నా, సిబ్బంది కఠినంగా వ్యవహరించారని విద్యార్థినులు ఆరోపిస్తున్నారు.
ఈ విషయం తెలిసిన వెంటనే హాస్టల్ విద్యార్థినులు ఆందోళనకు దిగారు. “మా తల్లిదండ్రులకు గౌరవం లేని చోట మేమెలా ఉండాలి?” అంటూ నినాదాలు చేశారు. బాధ్యులపై వెంటనే చర్యలు తీసుకోవాలని, హాస్టల్ నిబంధనల పేరుతో మహిళలను ఇబ్బంది పెట్టడం ఆపాలని డిమాండ్ చేశారు.
బుధవారం రాత్రి ప్రారంభమైన ఈ నిరసన గురువారం ఉదయం కూడా కొనసాగింది. ఇతర హాస్టల్ విద్యార్థులు, విద్యార్థి సంఘాల నాయకులు మద్దతుగా నిలవడంతో క్యాంపస్లో ఉద్రిక్తత పెరిగింది. పరిస్థితిని అదుపులో ఉంచేందుకు పోలీసులు క్యాంపస్ వద్ద భద్రతను పర్యవేక్షిస్తున్నారు.
