టాలీవుడ్లో మోస్ట్ అడ్మైర్డ్ కపుల్గా పేరుగాంచిన విజయ్ దేవరకొండ (Vijay Deverakonda) – రష్మిక మందన్న (Rashmika Mandanna) ఎట్టకేలకు పెళ్లి బంధంతో (Marriage Bond) ఒక్కటయ్యారు. గత కొన్ని నెలలుగా వీరిద్దరి రిలేషన్, వివాహంపై సాగిన ఊహాగానాలకు ఫుల్ స్టాప్ పెడుతూ ఈ ఉదయం ఉదయ్పూర్ వేదికగా ఈ జంట మూడు ముళ్ల బంధంతో ఒకటైంది. కుటుంబ సభ్యులు, అత్యంత సన్నిహితుల సమక్షంలో అంగరంగ వైభవంగా జరిగిన ఈ వేడుక సోషల్ మీడియాలో హాట్ టాపిక్గా మారింది. ఉదయం 10:10 గంటలకు శుభ ముహూర్తంలో విజయ్, రష్మిక మెడలో తాళి కట్టగా, హిందూ శాస్త్రోక్తంగా కార్యక్రమం జరిగింది.
ఉదయ్పూర్లోని (Udaipur) ఓ అద్భుతమైన ప్యాలెస్లో జరిగిన ఈ రాయల్ వెడ్డింగ్లో వధూవరులు సాంప్రదాయ దుస్తుల్లో మెరిసిపోయారు. అభిమానులు ప్రేమగా పిలిచే ‘విరోషి’ (ViRo-shi) పేరు ప్రస్తుతం ట్రెండింగ్లో నిలిచింది. కర్ణాటకలోని కూర్గ్ (కూర్గ్) ప్రాంతానికి చెందిన రష్మిక కుటుంబ సంప్రదాయాలను గౌరవిస్తూ, సాయంత్రం 4:30 గంటలకు కొడవ పద్ధతిలో మరోసారి వివాహం చేసుకోనున్నారు. ఒకే రోజు రెండు వేర్వేరు సంప్రదాయాల్లో పెళ్లి జరగడం విశేషంగా మారింది.
ఇప్పటికే వెండితెరపై ‘గీత గోవిందం’, ‘డియర్ కామ్రేడ్’ సినిమాలతో బ్లాక్బస్టర్ జంటగా నిలిచిన ఈ ఇద్దరూ నిజ జీవితంలోనూ ఒక్కటవ్వడంతో అభిమానులు ఆనందంలో మునిగిపోయారు. టాలీవుడ్ ప్రముఖులు, సినీ తారలు, ఫ్యాన్స్ సోషల్ మీడియా వేదికగా శుభాకాంక్షల వర్షం కురిపిస్తున్నారు. రీల్ లైఫ్ మ్యాజిక్ను రియల్ లైఫ్లోనూ కొనసాగిస్తున్న విజయ్–రష్మిక జంటకు ఇండస్ట్రీ అంతా హర్షం వ్యక్తం చేస్తోంది.
