కోలీవుడ్ స్టార్ హీరో జోసెఫ్ విజయ్ (Joseph Vijay) తమిళనాడు ముఖ్యమంత్రిగా (Tamil Nadu) బాధ్యతలు చేపట్టిన తర్వాత ఆయన నటించిన చివరి చిత్రం ‘జననాయగన్’ (Jana Nayagan) విడుదల వేగంగా పూర్తవుతుందని అభిమానులు భావించారు. అయితే పరిస్థితి మాత్రం అందుకు భిన్నంగా కనిపిస్తోంది. భారీ అంచనాల మధ్య రూపొందిన ఈ పొలిటికల్ యాక్షన్ డ్రామా ఇప్పటికీ సెన్సార్ సమస్యలతోనే నిలిచిపోయింది. సెంట్రల్ బోర్డ్ ఆఫ్ ఫిల్మ్ సర్టిఫికేషన్ (Central Board of Film Certification) అభ్యంతరాల కారణంగా సినిమా విడుదలకు ఇంకా గ్రీన్ సిగ్నల్ (Green Signal) రాలేదు.
మొదట ఈ చిత్రాన్ని మే నెలాఖరులో బక్రీద్ సందర్భంగా విడుదల చేయాలని మేకర్స్ ప్లాన్ చేశారు. కానీ ప్రస్తుతం ఉన్న పరిస్థితుల్లో ఆ తేదీ సాధ్యమయ్యేలా కనిపించడం లేదు. దీంతో ఇప్పుడు జూన్ 19ను కొత్త రిలీజ్ డేట్గా (New Release Date) పరిశీలిస్తున్నట్లు సమాచారం. జూన్ 22న విజయ్ పుట్టినరోజు (Vijay Birthday) ఉండటంతో, 3 రోజుల ముందే సినిమాను విడుదల చేసి అభిమానులకు స్పెషల్ బర్త్డే ట్రీట్ ఇవ్వాలని చిత్ర యూనిట్ భావిస్తోంది.
అయితే ఈ ప్లాన్ అమలవ్వాలంటే ముందుగా సెన్సార్ క్లియరెన్స్ పూర్తి కావాల్సి ఉంది. సినిమాలోని కొన్ని కీలక రాజకీయ సన్నివేశాలపై సెన్సార్ బోర్డు తీవ్ర అభ్యంతరాలు వ్యక్తం చేసినట్లు సమాచారం. 2026 ప్రారంభం నుంచి పలుమార్లు రివైజింగ్ కమిటీ (Revising Committee) ముందుకు వెళ్లినప్పటికీ ఇంకా తుది నిర్ణయం వెలువడలేదు. దీంతో సినిమా విడుదల మరింత ఆలస్యం అవుతోంది.
ఇక ఈ డిలే కారణంగా నిర్మాత సంస్థ కేవీఎన్ ప్రొడక్షన్స్పై (KVN Productions) భారీ ఆర్థిక భారం పడుతోంది. థియేట్రికల్ డీల్స్తో పాటు ఓటీటీ బిజినెస్ కూడా పూర్తిగా హోల్డ్లో పడిపోయినట్లు తెలుస్తోంది. ప్రతి వారం ఆలస్యం అవుతున్న కొద్దీ వడ్డీలు, నిర్వహణ ఖర్చులు పెరుగుతుండటంతో మేకర్స్ తీవ్ర ఆందోళనలో ఉన్నారు. విజయ్ రాజకీయంగా సీఎం కుర్చీ ఎక్కినా, ‘జననాయగన్’ మాత్రం ఇంకా రిలీజ్ అడ్డంకులను దాటలేకపోవడం ఇప్పుడు కోలీవుడ్లో హాట్ టాపిక్గా మారింది.
