విక్టరీ వెంకటేష్(Victory Venkatesh), త్రివిక్రమ్ శ్రీనివాస్ (Trivikram Srinivas) కాంబినేషన్‌లో తెరకెక్కుతున్న ‘ఆదర్శ కుటుంబం – ఏకే 47’ (Adarsha Kutumbam – AK 47) టీజర్ (Teaser) విడుదలై సినిమాపై అంచనాలను మరింత పెంచింది. కుటుంబ కథాంశానికి మాస్ టైటిల్‌ను జోడించిన ఈ టీజర్‌లో కామెడీ, ఫ్యామిలీ ఎమోషన్స్‌తో(Family Emotions) పాటు యాక్షన్ సన్నివేశాలు ఆకట్టుకున్నాయి.
మధ్యతరగతి కుటుంబంలో జరిగే సరదా సంఘటనలతో టీజర్ ప్రారంభమవుతుంది. వెంకటేష్ (Venkatesh) తనదైన కామెడీ టైమింగ్‌తో అలరిస్తూనే యాక్షన్ సన్నివేశాల్లోనూ ఆకట్టుకున్నారు. సాధారణ కుటుంబంలా కనిపించే ఈ ఇంటి వెనుక దాగి ఉన్న అసలు కథ ఏంటనే ఆసక్తిని టీజర్ రేకెత్తిస్తోంది. త్రివిక్రమ్ మార్క్ (Trivikram Mark) పంచ్ డైలాగ్స్, మాస్ ఎలివేషన్స్ ప్రత్యేక ఆకర్షణగా నిలిచాయి.
వెంకటేష్ సరసన శ్రీనిధి శెట్టి (Srinidhi Shetty) కథానాయికగా నటిస్తుండగా.. నారా రోహిత్, నివేదా పేతురాజ్, సత్య, రావు రమేష్, బ్రహ్మాజీ, వెన్నెల కిషోర్, రఘుబాబు తదితరులు కీలక పాత్రల్లో కనిపించనున్నారు. థమన్ ఎస్ (Thaman S) నేపథ్య సంగీతం టీజర్‌కు మరింత బలాన్ని చేకూర్చింది.
హారిక అండ్ హాసిని క్రియేషన్స్ (Haarika & Hassine Creations) బ్యానర్‌పై ఎస్. రాధాకృష్ణ (S. Radha Krishna) నిర్మిస్తున్న ఈ చిత్రానికి త్రివిక్రమ్ శ్రీనివాస్ కథ, స్క్రీన్‌ప్లే, మాటలు, దర్శకత్వం వహిస్తున్నారు. ‘ఆదర్శ కుటుంబం – ఏకే 47’ చిత్రం 2026 అక్టోబర్ 2న ప్రపంచవ్యాప్తంగా థియేటర్లలో విడుదల కానుంది.
