బుల్లితెర డ్యాన్స్ రియాలిటీ షో ఢీ 10 (Dhee 10) విజేత రాజు (Raju) తీవ్ర వివాదంలో చిక్కుకున్నారు. ఓ యువతిని (Young Woman) లైంగికంగా వేధించారనే (Sexually Harassment) ఆరోపణలపై మియాపూర్ పోలీసులు (Miyapur Police) ఆయనపై కేసు నమోదు చేసి అరెస్ట్ చేసినట్లు సమాచారం. అనంతరం కోర్టులో హాజరుపరచగా న్యాయమూర్తి రిమాండ్ విధించినట్లు తెలుస్తోంది.
డ్యాన్సర్‌, కొరియోగ్రాఫర్‌గా గుర్తింపు తెచ్చుకున్న రాజు తనతో అసభ్యంగా ప్రవర్తించడంతో పాటు లైంగికంగా వేధించారని ఆరోపిస్తూ ఓ యువతి మియాపూర్ పోలీసులను ఆశ్రయించినట్లు సమాచారం. ఆమె ఫిర్యాదును స్వీకరించిన పోలీసులు కేసు నమోదు చేసి దర్యాప్తు ప్రారంభించినట్లు తెలుస్తోంది.
బాధితురాలి ఫిర్యాదు మేరకు ఈ నెల 9న రాజుపై పోలీసులు కేసు నమోదు చేసినట్లు సమాచారం. కేసు నమోదు చేసిన అనంతరం ఆయనను అదుపులోకి తీసుకున్న పోలీసులు న్యాయమూర్తి ఎదుట హాజరుపరిచి రిమాండ్‌కు తరలించినట్లు తెలుస్తోంది.
అయితే ఈ కేసు ఆలస్యంగా వెలుగులోకి రావడం ఇప్పుడు చర్చనీయాంశంగా మారింది. సాధారణంగా ప్రముఖ టీవీ షోకు(TV Show) చెందిన వ్యక్తిపై ఇలాంటి తీవ్రమైన ఆరోపణలు వచ్చినప్పుడు విషయం వెంటనే బయటకు వస్తుంది. కానీ రాజుకు సంబంధించిన కేసు విషయంలో మాత్రం పోలీసులు వివరాలను కొంతకాలం గోప్యంగా ఉంచినట్లు తెలుస్తోంది.
ఈ నెల 9నే కేసు నమోదు చేసి రాజును రిమాండ్‌కు (Remand) తరలించినప్పటికీ, ఈ వ్యవహారం తాజాగా వెలుగులోకి రావడంతో బుల్లితెర వర్గాల్లో చర్చ మొదలైంది. కేసు వివరాలను ఇన్ని రోజుల పాటు ఎందుకు వెల్లడించలేదనే ప్రశ్నలు కూడా తలెత్తుతున్నాయి.
ప్రస్తుతం రాజు రిమాండ్‌లో ఉన్నట్లు సమాచారం. ఈ ఘటన సామాజిక మాధ్యమాల్లోనూ చర్చకు దారితీసింది. అయితే యువతి చేసిన ఆరోపణలపై దర్యాప్తు పూర్తయ్యే వరకు పూర్తి వాస్తవాలు వెల్లడికావాల్సి ఉంది. కేసుకు సంబంధించి పోలీసులు లేదా ఉన్నతాధికారులు అధికారికంగా మరిన్ని వివరాలు వెల్లడించాల్సి ఉంది.
