అమెరికా వ్యాపారవేత్త, స్పేస్‌ఎక్స్‌ (SpaceX) అధినేత ఎలాన్ మస్క్(Elon Musk) భారత్‌లో స్టార్‌లింక్‌ శాటిలైట్‌ ఇంటర్నెట్‌ సేవల (Satellite Internet Services) ప్రవేశంపై కీలక వ్యాఖ్యలు చేశారు. కొందరు అపార సంపన్నులు తమ గుత్తాధిపత్యాన్ని కొనసాగించేందుకే స్టార్‌లింక్‌ భారత్‌లోకి(India) రాకుండా అడ్డుకుంటున్నారని ఎక్స్‌ వేదికగా ఆరోపించారు. అయితే, ఆయన ఎవరినీ నేరుగా పేర్లతో ప్రస్తావించలేదు.
భారత్‌లో స్టార్‌లింక్‌ సేవలు ప్రారంభం కాకుండా కొందరు ప్రభావశీలులు (Influential People) ప్రయత్నిస్తున్నారని మస్క్ ఆరోపించారు. టెలికాం మార్కెట్‌పై (Telecom Market) ఆధిపత్యాన్ని కొనసాగించేందుకే ఈ అడ్డంకులు సృష్టిస్తున్నారని పేర్కొన్నారు. స్టార్‌లింక్‌ను అడ్డుకోవడం భారత ప్రజలకు అన్యాయం చేయడమేనని వ్యాఖ్యానించారు.
Unfortunately, we are being blocked by certain oligarchs in order to maintain their monopolistic chokehold on the Indian people. You can guess who they are … This is a crime against the people of India!
— Elon Musk (@elonmusk) October 7, 2026
క్లియరెన్స్‌ల కోసం స్టార్‌లింక్‌ ఎదురుచూపులు
భారత్‌లో సేవల ప్రారంభానికి స్టార్‌లింక్‌ మౌలిక సదుపాయాలను సిద్ధం చేసుకుంది. అయితే భద్రతాపరమైన అనుమతులు, స్పెక్ట్రమ్‌ కేటాయింపు వంటి ప్రక్రియలు ఇంకా పూర్తికావాల్సి ఉంది. దేశంలో సుమారు 20 గేట్‌వే సైట్లను ఏర్పాటు చేసినట్లు సంస్థ ప్రతినిధులు తెలిపారు. తుది అనుమతులు లభించిన వెంటనే సేవలు ప్రారంభించేందుకు సిద్ధంగా ఉన్నట్లు వెల్లడించారు.
మస్క్ ఆరోపణలపై కేంద్రం స్పందన
మస్క్ ఆరోపణలపై కేంద్ర ప్రభుత్వం (Central Government) స్పందించింది. శాటిలైట్‌ కమ్యూనికేషన్‌ (Satellite Communication) సేవల అనుమతుల ప్రక్రియలో ఎలాంటి వివక్ష లేదని స్పష్టం చేసింది. స్టార్‌లింక్‌తో పాటు ఇతర లైసెన్స్‌ పొందిన సంస్థలు కూడా ఒకే విధమైన భద్రతా పరిశీలనను ఎదుర్కొంటున్నాయని తెలిపింది.
కేటీఆర్‌ ఏమన్నారు?
మస్క్ వ్యాఖ్యలపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌(KTR) స్పందించారు. స్టార్‌లింక్‌ ప్రవేశానికి అడ్డంకులు సృష్టిస్తున్న వారు ఎవరనేది దేశ ప్రజలకు తెలియాలని అన్నారు. మస్క్ ప్రస్తావించిన కుబేరుల పేర్లను (Billionaires Names) వెల్లడించాలని కోరారు.
మస్క్ ఆరోపణలు, కేంద్ర ప్రభుత్వ వివరణతో భారత్‌లో స్టార్‌లింక్‌ ప్రవేశంపై మరోసారి చర్చ మొదలైంది. తుది అనుమతుల కోసం సంస్థ ఎదురుచూస్తుండగా.. మస్క్ వ్యాఖ్యలు టెలికాం రంగంలో చర్చనీయాంశంగా మారాయి.
Elon, Name and shame the Oligarchs The Nation (India) wants to know who is got this stranglehold on our Government
— KTR (@KTRBRS) October 7, 2026
