మండాడి (Mandadi) సినిమా బాక్సాఫీస్ వద్ద జోరు కొనసాగిస్తోంది. భారీ స్టార్ హీరో(Big Star Hero) లేకపోయినా కంటెంట్‌పై(Content) నమ్మకంతో తెరకెక్కిన ఈ చిత్రం మౌత్ టాక్‌తో(Mouth Talk) థియేటర్లలో మంచి స్పందనను అందుకుంటోంది. విడుదలకు ముందు పెద్దగా అంచనాలు లేకపోయినా, పాజిటివ్ టాక్‌తో వసూళ్లలో(Collections) దూసుకెళ్తోంది.
చిత్రబృందం విడుదల చేసిన అధికారిక పోస్టర్ ప్రకారం మండాడి ప్రపంచవ్యాప్తంగా రూ.65 కోట్లకు పైగా గ్రాస్ వసూళ్లు (Gross Collections) సాధించింది. బలమైన కథ, నటీనటుల పెర్ఫార్మెన్స్, యాక్షన్ అంశాలతో ఈ స్థాయి కలెక్షన్లు రాబట్టడం సినీ వర్గాల్లో ఆసక్తిని రేకెత్తిస్తోంది.
కమెడియన్‌గా కెరీర్ ప్రారంభించి హీరోగా ఎదిగిన సూరి (Soori) ఈ సినిమాలో ఇంటెన్స్ పాత్రలో ఆకట్టుకున్నాడు. మరోవైపు సుహాస్ (Suhas) ప్రతినాయకుడిగా తనదైన నటనతో మెప్పించాడు. దర్శకుడు మదిమారన్ పుగజేంది(Madhi Maran Pugazhendi) కథకు జీవీ ప్రకాష్ కుమార్ (GV Prakash Kumar) సంగీతం మరింత బలాన్ని చేకూర్చింది. ముఖ్యంగా యాక్షన్ సన్నివేశాలు ప్రేక్షకులను ఆకట్టుకుంటున్నాయి.
మైత్రీ మూవీ మేకర్స్(Mythri Movie Makers) తెలుగులో సమర్పించిన ఈ చిత్రానికి నిర్మాత ఎల్రెడ్ కుమార్(Elred Kumar) అందించిన నిర్మాణ విలువలు అదనపు బలంగా నిలిచాయి. వర్షంలో సూరి, సుహాస్ తలపడే యాక్షన్ సన్నివేశంతో రూపొందించిన రూ.65 కోట్ల వసూళ్ల పోస్టర్ ప్రస్తుతం సామాజిక మాధ్యమాల్లో వైరల్‌గా మారింది.
మండాడి వసూళ్లు కంటెంట్ బలంగా ఉంటే స్టార్ హీరో లేకపోయినా ప్రేక్షకులను థియేటర్లకు రప్పించవచ్చని మరోసారి నిరూపిస్తున్నాయి. ఇదే జోరు కొనసాగితే సినిమా మరిన్ని వసూళ్లు సాధించే అవకాశం ఉంది.
