బాలీవుడ్ దిగ్గజ నటుడు నానా పటేకర్ (Nana Patekar) కన్నుమూశారు. 75 ఏళ్ల వయసులో గుండెపోటుతో(Heart Attack) తుదిశ్వాస విడిచారు. గురువారం ఉదయం గోవాలోని(Goa) తన నివాసంలో అపస్మారక స్థితిలో కనిపించిన ఆయనను కుటుంబసభ్యులు మణిపాల్ ఆస్పత్రికి(Manipal Hospital) తరలించారు. వైద్యులు సుమారు 45 నిమిషాల పాటు సీపీఆర్ (CPR) చేసినప్పటికీ ఫలితం లేకపోయింది. ఉదయం 5:20 గంటలకు ఆయన మృతి చెందినట్లు ఆస్పత్రి వర్గాలు వెల్లడించాయి.
1951 జనవరి 1న జన్మించిన నానా పటేకర్ అసలు పేరు విశ్వనాథ్ పటేకర్(Vishwanath Patekar). 1978లో ‘గమన్’(Gaman) చిత్రంతో సినీ రంగ ప్రవేశం చేసిన ఆయన.. హిందీ, మరాఠీ చిత్రాల్లో విభిన్న పాత్రలతో ప్రత్యేక గుర్తింపు తెచ్చుకున్నారు. ‘సలామ్ బాంబే’, ‘పరిం దా’, ‘క్రాంతివీర్’, ‘ప్రహార్’, ‘వెల్‌కమ్’, ‘నటసామ్రాట్’ వంటి చిత్రాల్లో ఆయన నటన ప్రేక్షకులను ఆకట్టుకుంది.
‘పరిం దా’ చిత్రానికి జాతీయ చలనచిత్ర అవార్డు అందుకున్న నానా పటేకర్.. కెరీర్‌లో మూడు జాతీయ అవార్డులు, నాలుగు ఫిల్మ్‌ఫేర్ అవార్డులు, రెండు మహారాష్ట్ర రాష్ట్ర చలనచిత్ర అవార్డులు (Maharashtra State Film Awards) సొంతం చేసుకున్నారు. సినీ రంగానికి చేసిన సేవలకు గుర్తింపుగా 2013లో కేంద్ర ప్రభుత్వం పద్మశ్రీతో సత్కరించింది.
నటుడిగానే కాకుండా దర్శకుడు, రచయితగానూ రాణించిన నానా పటేకర్.. గంభీరమైన పాత్రలతో పాటు హాస్యభరిత పాత్రల్లోనూ తనదైన ముద్ర వేశారు. ఆయన ప్రత్యేకమైన స్వరం, సంభాషణలు చెప్పే తీరు, బలమైన నటన ప్రేక్షకుల మనసుల్లో చెరగని ముద్ర వేశాయి.
నానా పటేకర్ మృతితో బాలీవుడ్, మరాఠీ చిత్ర పరిశ్రమల్లో విషాదం నెలకొంది. సినీ ప్రముఖులు, అభిమానులు ఆయనకు నివాళులు అర్పిస్తున్నారు. ఐదు దశాబ్దాలకు పైగా సాగిన ఆయన సినీ ప్రస్థానం, మరపురాని పాత్రలు ప్రేక్షకుల జ్ఞాపకాల్లో చిరస్థాయిగా నిలిచిపోనున్నాయి.
