సౌదీ అరేబియాలో (Saudi Arabia) ఘోర హెలికాప్టర్ (Helicopter) ప్రమాదం చోటుచేసుకుంది. గల్ఫ్(Gulf) ప్రాంతంలోని హార్ముజ్ జలసంధికి (Strait of Hormuz) పశ్చిమాన ఉన్న రాస్ తానూరాలో ఆదివారం చమురు దిగ్గజ సంస్థ అరామ్కోకు (Aramco) చెందిన హెలికాప్టర్ కుప్పకూలింది. ఈ దుర్ఘటనలో 14 మంది సౌదీ జాతీయులు ప్రాణాలు కోల్పోయారు. ప్రమాదంతో ఆ ప్రాంతంలో తీవ్ర విషాద వాతావరణం నెలకొంది.
ప్రమాదానికి గల ఖచ్చితమైన కారణాలు ఇప్పటివరకు వెల్లడికాలేదు. హెలికాప్టర్ (Helicopter) ఎందుకు కుప్పకూలిందనే అంశంపై సంబంధిత అధికారులు సమగ్ర దర్యాప్తు ప్రారంభించినట్లు అరామ్కో వెల్లడించింది. సాంకేతిక లోపమా(Technical Failure), వాతావరణ ప్రభావమా(Weather Conditions), లేక ఇతర కారణాలున్నాయా అనే కోణాల్లో విచారణ కొనసాగుతోంది.
ఈ ప్రమాదం రాస్ తానూరా టెర్మినల్లో (Terminal) ముడి చమురు లోడింగ్ను తిరిగి ప్రారంభించిన కేవలం 2 రోజులకే జరగడం ప్రాధాన్యత సంతరించుకుంది. దాదాపు 4 నెలల విరామం తర్వాత ఈ టెర్మినల్లో చమురు (Oil) లోడింగ్ కార్యకలాపాలు మళ్లీ ప్రారంభమయ్యాయి.
అమెరికా-ఇరాన్ (USA-Iran) మధ్య ఉద్రిక్తతలు తగ్గి శాంతి ఒప్పందం కుదిరిన నేపథ్యంలో సౌదీ అరేబియా చమురు(Oil), సహజ వాయువు (Natural Gas) ఉత్పత్తిని మరింత పెంచే ప్రణాళికలు రూపొందిస్తున్న సమయంలో ఈ ప్రమాదం చోటుచేసుకోవడం చర్చనీయాంశంగా మారింది. ఈ ఘటన చమురు రంగంపై ఎలాంటి ప్రభావం చూపుతుందనే అంశంపై కూడా అంతర్జాతీయ స్థాయిలో ఆసక్తి నెలకొంది.
దర్యాప్తు పూర్తయిన తర్వాతే ప్రమాదానికి అసలు కారణాలు వెలుగులోకి వచ్చే అవకాశం ఉందని అధికారులు తెలిపారు.
